Борис Щербаков Х Халыкара мөселман киносы фестивале ачылу тантанасын алып барачак

КатегорияИлдәге һәм дөньядагы дин
Автор Администрация сайта

SherbakovКазанда Х Халыкара мөселман киносы фестивале, гадәт буенча, мәртәбәле кунакларны каршы алудан башланып китә. Кунакларны каршы алу фестиваль ачылышы тантанасына кадәр 1 сәгать алда  башлана.

Шул рәвешле, “Пирамида” мәдәни-күңел ачу комплексында кинофорумның ачылу тантанасы 5 сентябрь  кичке 7гә билгеләнгән.  Аны РФның халык артисты Борис Щербаков алып барачак, дип хәбәр итә оештыручылар “Татар-информ”га.

Шуңа кадәр 1 сәгать алдан, кичке 6дан, кызыл келәм буйлап Голландия режиссеры Йос Стеллинг, Россиядә авторлык кинематографиясе юнәлешендә танылу алган Россиянең халык артисты Константин Лопушанский, актриса һәм режиссер Вера Глаголева, режиссер һәм сценарийлар авторлары Рөстәм Ибраһимбәков, Али Хамраев һәм кино сәнгатенең башка танылган йолдызлары узар дип көтелә.

http://tat.tatar-inform.ru/news/2014/09/02/101218/

Фикер калдыру