Чаллы театры Самарага, Мәскәүнеке Чаллыга гастрольга җыена

КатегорияИл һәм дөнья татарлары, Ил һәм дөнья хәбәрләре, Татарстан хәбәрләре, Төп яңалыклар, Өлкә татарлары
Автор Администрация сайта
Чаллы театры Самарага, Мәскәүнеке Чаллыга гастрольга җыенаЧаллылылар Смарада һәм Камышлыда комедия тәкъдим итмәкче
(Казан, 7 октябрь, “Татар-информ”). 24 октябрь көнне 18 сәгатьтә Чаллы татар дәүләт драма театры Самара шәһәренең «Чайка» мәдәният йортында Карло Гольдониның «Ике хужаның хезмәтчесе» комедиясен (фотосурәттә шуннан бер күренеш) уйныячак. Бу спектакль шулай ук 25 октябрь көнне 18 сәгатьтә Самара өлкәсе Камышлы район үзәге мәдәният йортында да карарга мөмкин булачак. Билет бәяләре Самарада 300-500 сум тәшкил итә, Камышлыда — 300 сум.

Бу соңгы араларада иҗат ителгән иң яхшы спектакльләрнең берсе санала. Аның премьерасы 2014 елның 23 декабрендә узды һәм шул көннән башлап ул гел тамашачылар белән тулы залда уйнала, дип хәбәр итәләр әлеге театрдан.

Труппа гастрольда булган арада Чаллы сәхнәсе дә буш тормаячак. 24 октябрь көнне 18 сәгатьтә Мәскәүнең «Арт-Вояж» театраль үзәге «Шухер!» комедиясен алып килә.

Фотосурәт chelnyteatr.ru сайтыннан алынды.

http://tat.tatar-inform.ru/news/2015/10/07/114347/

 

Фикер калдыру