Татарстан мөфтие урта һөнәри дини белем бирүнең уку-укыту стандартлары турында ММЧ вәкилләренә “Татар-информ”да шәрехли

Kamil_hazrat_Samigyllin26 гыйнвар сәгать көндезге 2дә «Татар-информ» мәгълүмат агентлыгында «Урта һөнәри дини белем бирүнең уку-укыту стандартлары” темасына пресс-конференция уздырыла. Очрашуда Татарстан мөфтие, ТР МДН рәисе Камил хәзрәт Сәмигуллин, РИИ ректоры, мөфти урынбасары Рәфыйк Мөхәммәтшин, стандартларны әзерләүгә өлеш керткән белгечләр катнашуы көтелә.

Татарстанда “Урта һөнәри дини белем бирүнең уку-укыту стандартлары” эшләнде. Татарстан мөселманнары Диния нәзарәте, Россия ислам институты, мәдрәсәләр, ТР Фәннәр академиясе һәм ТР Мәгариф һәм фән министрлыгы белгечләре белән берлектә, ике ел дәвамында стандартларны әзерләде. 2012 елда мәгариф өлкәсе белгечләре һөнәри мөселман мәгариф оешмаларында (мәдрәсәләрдә) аудит уздырды. Татарстан мөселман уку йортлары Уку-укыту методик берләшмәсе оештырылды. Әлеге берлеккә Россия ислам институты ректоры, мөфти урынбасары Рәфыйк Мөхәммәтшин җитәкчелек итә. Уку-укыту-методик берләшмәнең төп эшчәнлеге – һәр мәдрәсәнең үзенчәлекләрен исәпкә алып, Татарстандагы мөселман башлангыч һәм профессиональ урта уку йортлары өчен бердәм стандартлар төзү. 2013 елның 19 апрелендә бердәм стандартларны әзерләү һәм гамәлгә кертү буенча эшче төркем оештырылды. Профессиональ урта мөселман мәгарифе өч дәрәҗәгә бүленде: башлангыч, база һәм югары белем бирү дәрәҗәләре. Алга таба өч дәрәҗәгә туры килгән уку-укыту буенча стандарт проектларын әзерләү эше башланды, дип аңлата ТРМДН матбугат хезмәте.

Пәйгамбәр яклауга мохтаҗмы?

Мөхәммәд Пәйгамбәргә карикатуралар ясауга каршы Грозный шәһәрендә үткәрелгән митингны Татарстан Диния нәзарәте яклап чыкты.
19 гыйнварда Чечня башкаласында миллионга якын кеше урамга чыкты. Анда Чечня халкы гына түгел, Россиянең башка төбәкләреннән дә мөселманнар һәм башка дин вәкилләре җыелды. “Без Мөхәммәт Пәйгамбәрне (с.г.в.) яратабыз” дигән шигарь астында оештырылган әлеге акция белән алар дөньяда дини хисләрдән көлү күренешләренә каршылык белдерде. Грозныйның үзәк мәйданында кешеләр Коръәннән аятьләр укып, Аллаһ Илчесен мактап салаватлар әйтте.

Бу – гыйнвар башында Франциядә булган хәлләрнең – коралланган адәмнәрнең “Charlie Hebdo” атналык сатирик журналы редакциясенә бәреп керүе һәм башка террористик һөҗүмнәренең кайтавазы. 17 кешенең гомерен өзгән адәмнәр үзләренең кансыз гамәлләрен француз журналы хезмәткәрләре Мөхәммәт Пәйгамбәрне мыскыл итүче карикатуралар бастырган өчен җәзасын күрде, дип аңлаткан. Европада халык котычкыч террористик гамәлләргә каршылык йөзеннән митинглар үткәрсә, кайбер мөселман илләрендә гаммәви мәгълүмат чараларында дини кыйммәтләрдән көлүне туктатуны таләп итүче чыгышлар яңгырый башлады.

Кайда сез, ирләр, яки Альфонслардан сак булыгыз!

news_10986Абый белән авыл урамы буйлап атлыйбыз. Икебез дә шушында гомер кичердек, шушында сакал агарттык, шуңа күрә авылдашларны гына түгел, күрше-тирә авыл кешеләренең дә бай­тагын әйбәт таныйбыз. Каршыбызга тормышының иң төбенә төшкән классик шәһәр бомжы кыяфәтендәге бер кеше килә. Шешенгән йөзле, кызыл чырайлы мондый адәмнәрнең яшен билгеләрлек түгел: син җитмештә дип уйласаң, ул утыз­да гына да булырга мөмкин.

Күңелгә: “Тагын шәһәр бомж­ларын авылга кайтарып ташлаганнар мәллә?” – дигән уй килә. Моннан берничә ел элек шундый бер трюк ясап караганнар иде, барып чыкмады, бомжлар икенче көнне үк шәһәргә җәяүләп тайдылар, чөнки авылда эшләми генә җәм­гыять җил­кәсендә тамак туйдырып яту өчен кимендә йә әтиең, йә әниең булу кирәк. Шулар канаты астында гына җан саклый аласың. Ә нәсел-нәсәпсез бомжга иң кулай урын шәһәр инде.
Каршыга килүче сәер кыяфәтле персонажны үтеп киткәч, абыйдан сорыйм: “Кем булды бу?” Абый да танымаган икән. Каршыга килү­че­ләрдән сорыйбыз: “Фәләнов бит”,  – дигән җавап ишетелә, минем бе­лән мәктәптә бер чордарак укыган күрше авыл егетенең фамилиясен атыйлар. Икебез дә аһ итәбез, кайчандыр без белгән янып торган чибәр йөзле егеттән күләгәсе дә кал­маган хәтта. Ишеткән идем аны: Мәскәүдә яшәгән икән, эчкән өчен хатыны куып чыгарган, хәзер әти-әнисе йортына кайтып эчеп ята, утын-газын өзгәннәр, күрше-тирә та­выкларына кул суза башлаган дип.

ТР Президенты Рөстәм Миңнеханов республика мөфтие Камил Сәмигуллин белән очрашты

view_640431_877665Бүген Татарстан Республикасы Президенты Рөстәм Миңнеханов Татарстан мөфтие Камил хәзрәт Сәмигуллин белән очрашты. Очрашуда ТР Президенты Аппараты җитәкчесе Әсгать Сәфәров, Россия ислам институты ректоры Рәфыйк Мөхәммәтшин дә катнашты.

Очрашу барышында Президент һәм мөфти ТР мөселманнары Диния нәзарәтенең 2014 елдагы эшчәнлегенә нәтиҗәләр чыгарып, алга таба булган планнар хакында сүз алып барган. “2014 ел безнең өчен бик матур узды. Без 50ләп китап бастырдык, 42 популяр китап дөнья күрде. Мөселман йолаларына кагылган стандартларны да тулысынча эшләп бетердек һәм бу ай дәвамында ул стандартлар бастырылган китап Татарстанның барлык дини учреждениеләренә дә җиткереләчәк. Президент безнең эшебезне югары бәяләде. Алга таба да республика үсеше өчен хезмәт куярга ниятләп торабыз”, – диде мөфти Камил хәзрәт Сәмигуллин.

Ул 2015 елның Татар дин белгечләре елы дип игълан ителүен, шул уңайдан әлеге галимнәр, татарның дин өлкәсендә танылган кешеләре хакында китап чыгару планы булуы хакында да хәбәр итте. “Ел дәвамында “түгәрәк өстәл”ләр оештырылачак, татар дин галимнәрен барлап, бер җыентыкка җыеп, аны бастырырга ниятлибез”, – диде Татарстан мөфтие.

Мәскәүнең Тәүбә тавы мәчетенә мәсхәрәле сүзләр язганнар

5da8d2ccec8c653b60abb5cbd24f0eca-e1421073137906Мәскәүнең Тәүбә тавы мәчетенә иртәнге намазга килүче мөселманнар бинага ясалган төрле рәсемнәргә тап булган. Бөтенрусия милләтара яшьләр берлеге рәисе Азамат Минцаев Азатлыкка әйтүенчә, аның кардәшләре әлеге мәчеткә ясалган рәсемнәрне фотога төшереп алган.

Мәчеттә ясалган рәсемнәрнең берсе

“Алар мәчеткә килгәч аның бинасы тәре билгеләре белән буялганын һәм төрле сүгенү сүзләрен күргән. Миңа моны дусларым шалтыратып әйтте. Анда видеокамералар куелган булган”, диде ул.

Мәчетнең имам-хатыйбы Шамил хәзрәтнең энесе Илдар Әләүтдинов бу мәсьәләне куертып торырга теләмәде.

“Мин шуны гына әйтә алам. Моны психик яктан сәламәт булмаган кеше ясаган. Аның исламга, мөселманнарга каршы бернинди дә нәфрәте юк. Бу тотрыксыз булмаган кешенең эше. Белүемчә, аны инде тотканнар”, диде ул.

Имам үзе моны исламга каршы эшләнмәгән дисә дә, мөселманнар моны Франциядәге соңгы вакыйгалар белән бәйли.

Болгарда Мәүлид бәйрәменә һәм рәбигыләүвәл аена багышланган бәйрәм үткәрелә

Gorodishhe_Bulgar83 гыйнварда Болгарның Ак мәчетендә Мәүлид бәйрәменә һәм рәбигыләүвәл аена багышланган бәйрәм үткәрелә. Болгар шәһәрлегендә Мәүлид бәйрәмен уздыру күркәм традициягә әверелеп бара. Йөзләгән дин кардәшләребез бирегә килеп илебезгә, халкыбызга бәрәкәт сорап догалар кыла, Пәйгамбәребез Мөхәммәт (с.г.в.) не зурлап салаватлар әйтә.

Россия күләмендә уздырылучы Мәүлид бәйрәмендә Татарстан Республикасы җитәкчелеге, Россиянең төрле төбәкләреннән дин әһелләре, җәмәгать һәм сәясәт эшлеклеләре катнашуы көтелә.  Бәйрәм программасы кысаларында рәсми затлар, төрле төбәк мөфтиләре чыгышлары, мөнәҗәтләр, салаватлар әйтү, “Мәүлид ән-Нәби” касыйдәсен уку каралган.

Мәүлид бәйрәмен Татарстан мөселманнары Диния нәзарәте оештыра.

Искәртеп узабыз: 2014 елның 23 декабрендә мөселман календаре буенча өченче ай – рәбигыләүвәл ае башланды. Аны халыкта Мәүлид ае дип йөртәләр. Сөекле Пәйгамбәребезнең туган көне рәбигыләүвәл аеның 12 нче көненә туры килә. Рабигыләүвәл аенда мәчетләрдә Пәйгамбәребез турында вәгазьләр укыла, мөселманнар өйләрендә мәҗлесләр үткәрәләр, мохтаҗларга ярдәм итәләр, сәдакалар өләшәләр. Бу хакта Татарстан мөселманнары Диния нәзарәте хәбәр итә.  

Җәлил хәзрәт Фазлыев: «Бәйрәм итәргә теләүчене тыярга кирәкми»

news_10905Яңа ел җитә башласа, халык арасында шау-шу куба: имештер, мөселман кешесенә Яңа ел бәйрәмен билгеләп узу тыела. Җитәкчеләре мө­селман кешесе булган фирмаларда Яңа ел корпоративлары уздыру да тыела ди. Ниндидер бер балалар бакчасында хәтта кайбер сабыйлар, Кыш бабай юк ул, дип, шигырь дә ятламыйлар, бәйрәм концертында катнашырга да теләмиләр икән.

Шушы хәлләрне ишеткәч, моннан берничә ел элек Яңа ел көннәрендә Тажикстанда Кыш бабай булып киенеп туганнарын бәйрәм белән котларга килгән 24 яшьлек егетне кыйнап үтерүләре искә төште. Аның сәбәбен исә болай аңлаттылар: Тажикстан мөфтие, христиан бәйрәмнәрен бәйрәм итү мөселман традицияләренә туры килми, дип фәтва биргән булган. Бәйрәм алдыннан кайберәүләрнең шар ярып, Яңа ел мөселман бәйрәме түгел ул, дию­ләре шушындый чиккә кадәр барып җиткермәсен өчен халыкка дөрес мәгълүмат бирергә кирәк, ди Татарстанның баш казые Җәлил хәзрәт Фазлыев.

– Исламда Яңа ел дигән бәйрәм юк анысы. Гомер кыска, беребезнең дә үләсе килми, яшисебез килә. Бер караганда, һәр ел туган саен, олыгаясың, гомерең кыскара бара. Бәйрәм итәрлек сәбәбе дә юк кебек. Икенче караганда, гореф-гадәт, традиция дигән нәрсә дә бар бит. Безнең илдә Яңа елны каршылау традиция­гә кергән. Без үзебезнең гаиләдә аны каршыламыйбыз, аңа карап кына бер җиребез дә кителгәне юк. Тик бу безнең уебыз, безнең яшәү рәвешебез. Кемнеңдер бәйрәм итәсе килә, аны тыярга кирәкми, безнең авылның намазлы егетләре аны бәйрәм итә, мин аларга сүз әйтмим, чөнки беләм, бәйрәмдә егетләр аракы эчеп ямьсезләшеп утырмыйлар. Эш Яңа елны бәйрәм итү-итмәүдә түгел, ә аны ничек каршылауда. Габделхак хәзрәт Саматов әйтә иде: без Яңа елны каршылый идек, иске елны озатканда арадагы иң өлкән кеше Коръән укый иде, Яңа ел кергәч, иң яшебез укый иде, дип. Алар да бәйрәм иткән, әмма Коръән, вәгазьләр укып.

Манара кискән һәр кешегә фаҗига, бәла-каза килгән

news_10824Кемнәр кискән соң безнең мәчет манараларын? Һәм бу аларга ни өчен кирәк булган? Әмер өстән килгән, ә башкаручылары үзебезнең милләт кешеләре – татарлар, Аларның кайберләре бер шешә аракыга яки йөз сум акчага алданган, ә кайберләре түрәләргә ярарга тырышып, шулай эшләгән.

Алар хәзер ялгышларын аңлап, үкенәләрдер, дип уйлыйсызмы? Кызганычка каршы, андыйлары бик сирәк. Әмма манара кискән һәр кешегә үзе исән чакта ук фаҗига, нинди дә булса бәла-каза килгән. Коръән тотты, Аллаһы Тәгалә сукты, муллалар каргышы төште, ди халык.

Чыннан да, мин белгәннәрнең язмышы гел бер төрле: аларның барысына да бәла килгән. Дөрес, бәла, фаҗига манара кисмәгәннәргә дә килә. Әмма халык шулай уйлый, шуңа ышана. Мин мистик түгел, ә шулай да вөҗдан газабына, намусың сугуга мин инанам. Мәчет кискән хаиннар турында шәһитләр тарафыннан сөйләнгән хәбәр-мәгьлүматны бергә туплап карагач, уйларга-уйланырга мәҗбүр буласың. Мәчет манараларын кискән кешеләрнең байтагы инде күптән вафат. Үлгән кешене тәнкыйтьләү егетлек түгелдер. Әмма дәшми калу да мөмкин түгел.
Гыйбрәт өчен. Тарихыбызның һәм яхшы, һәм яман сәхифәләрен онытмас өчен. Үз йолаларыбызны, үз телебезне, үз динебезне кабат мыскыл иттермәс өчен. Үзебезне милләт буларак саклап калыр өчен кирәк бу хакта сөйләү!

Чупай мулласы хатыннарны мәчеткә ник кертми?

news_10824Әлмәт районының Чупай авылы мулласы Нәфис абый Ханнанов хатын-кызларны мәчеткә кертми, дигән хәбәр килеп иреште редакциягә. Барып тикшергәч, моның имеш‑мимеш түгеллеген ачыкладык. Җитмәсә, мулла миңа: «Шестерка булып йөрмә», – дип «киңәш бирде». Кемнән кемнән, тик руханидан мондый «киңәш» ишетермен дип, башыма да китермәгән идем.

Мулла йорты түгел – Аллаһ йорты

Быелның февраль ахырында авыл мулласы булып куйган Нәфис абый турында республиканың икенче бер басмасына язган идем инде. Шул вакытта ук ул үзен закон юлы белән сайланган мулла дип атаган иде. 700 кеше исәпләнгән авылда мулла сайлауда 32 кеше генә катнашкан. Җыелышның протоколы да бар, янәсе, әмма мулла миңа аны күрсәтмәгән иде. Дини белеме булмаган мулланың мәчеткә хуҗа булуы авылның кайбер кешеләрендә канәгатьсезлек уяткан иде. Ул вакыйгалардан соң салада дини тормыш рәтләнгәндер дисәм… Кая ул! Һаман ызгышалар.

Инде яз башында ук Нәфис Ханнанов егермеләп хатынны, шул исәптән ике остабикәне мәчеткә кертми башлаган, шуңа да мөслимәләр дини белемне авыл мәктәбендә алырга мәҗбүр. Инзилә апа Маннанова да шулар сафында. Чупайда туып үскән, Әлмәтнең Үзәк мәчетендә өч еллык курсларда белем алган. Нәфис абый муллалыкка килгәнче, бу хатыннар мәчеттә тыныч кына дин белемен укып йөргән. Әмма хәзерге мулланың үз йортына түгел, ә Аллаһ йортына ни өчен кертмәвен үзләре дә белми. Авыл мөслимәләрен инде берничә ел Чупайга Әлмәттән килеп йөрүче Миңнегөл апа Мостафина укыта. Мулла хатын-кызларга: «Укытучыгыз белем бирер­гә миннән рөхсәт сорасын», – дигән.

Барыбызга да үрнәк булырлык Динара ханым

MeeTtCiXKeo“Россия” телевидениесе каналында “Мөселманнар” про­граммасын алып баручы Динара Садретдинованы белмәгән мөселман кешесе юктыр, мөгаен. Җомга саен ул илебезнең төрле почмакларында яшәүче дин кардәшләребезне ис­лам динендә булган яңалыклар белән зәңгәр экран аша таныштырып тора.
Ә менә узган атнада Динара ханым Самарага килеп, Самара өлкәсе мөселманнарының региональ Диния нәзарәте оештырган “Ислам, уңыш һәм син” дип аталган яшьләр форумы эшендә катнашты.
Әлеге форумга 300гә якын кеше җыелып, Россиядә ислам яшьләре алдында торган проблемалар турында фикер алыштылар. Уфадан Россия мө­селманнарының Үзәк Диния нәзарәте вәкиле Әхмәт хәзрәт Әхмәров, Россиянең спорт мас­теры, олимпия, дөнья һәм Европа чемпион­нары исемнәрен алган Таһир Хайбуллаев, Са­мараның 2нче ипи заводы директоры Ри­­­нат Фәйзетдинов, Самара шәһәренең татар мил­ли-мә­дәни автономиясе советы вәкиле Илдар Тренгулов кебек дин кардәшләребез чыгыш ясап, үзләренең тормышларын­да һәм эшчәнлекләрендә Ис­­лам дине ничек ярдәм итүе турында сөйләделәр.
Мәскәүдән килгән мөхтәрәм кунак Динара Садретдинованың чыгышы хатын-кызның Исламда нинди урын алып торуына багышланган иде. Бу теманы ул соңрак “Яктылык” татар мәктәбендә шәһәребезнең мө­селман хатын-кызлары белән очрашуда да ныклап ачарга тырышты.
Мөселман хатын-кызла­ры­ның баш киеме – хиҗап киеп телевидение тапшыруларын алып баручы белән күрешергә теләгән ханымнар һәм туташлар белән мәктәпнең актлар залы шыгрым тулган иде.
Самара өлкәсе мөфтие Та­лип хәзрәт Яруллин ерак араларны якын итеп килүләре һәм Самарада яшәүче дин кардәшләребез белән очрашып, яшьләргә, мөселман ха­тын-кызларына үзләренең вә­­газьләрен җиткерүләре өчен Динара ханымга һәм тап­шы­руның иҗат төркеменә үзенең рәхмәтен белдерде.

“Казан” агросәнәгать паркында II республика “Хәләл” продукция ярминкәсе була

halial29 ноябрьдә “Казан” агросәнәгать паркында II республика “Хәләл” продукция ярминкәсе үтәчәк. Ярминкәдә 60ка якын җитештерүченең хәләл продукциясе: ит һәм сөт, кондитер һәм башка төр продуктлар сатылачак.

Ярминкә кысаларында төрле мәдәни чаралар, конкурслар һәм “Ярдәм” тернәкләндерү үзәгендә тәрбияләнүчеләрнең кул эшләреннән күргәзмә оештыру да каралган.

Ярминкәне ТР МДН каршындагы “Хәләл” стандарт комитеты, ТР Авыл хуҗалыгы һәм азык-төлек министрлыгы, “Хәләл” индустриясе милли ассоциациясе һәм “Казан” агросәнәгать паркы оештыра.

“Казан” агросәнәгать паркындагы ярминкә 8.00-15.00 сәгатьләрдә Казан шәһәре, Агар урамы, 2 нче йорт (“А”залы) адресы буенча үткәрелә.

ТР мөселманнары Диния нәзарәте электрон китапханәсенә татар галимнәре китаплары урнаштырылды

Россия ислам институтында үткәрелә торган “Мөселман уку йортларының уку-укыту эшчәнлегендә инновацион технологияләр”  халыкара фәнни-гамәли конферециясендә Татарстан Республикасы мөфтие Камил хәзрәт Сәмигуллин, ТР мөселманнары Диния нәзарәтенең уку-укыту өлкәсендә инновацион технологияләрне куллану нәтиҗәсендә, онлайн-мәдрәсә һәм электрон китапханә булдыруы хакында хәбәр итте, дип яза ТР Мөселманнары Диния нәзарәте сайты.

“Bayt al-Hikma” интернет мәдрәсәдә теләгән һәркем ислам фәннәре буенча төрле дәресләр һәм лекцияләр таба ала. Биредә 406 китап урнаштырылган. Аларның күбесе − күп томлы басмалар. “Диния нәзарәте татарларның рухи мирасын тергезү бурычы куйды, шуңа күрә бу электрон китапханәдә безнең галимнәрнең 145 китабы урын алды. Алар, күбесенчә, инкыйлабка кадәр басылган дини китаплар”, – ди мөфти.

Татарстан мәчетләрендә, моннан бер ел элек авиаһәлакәттә гомере өзелгәннәр рухына багышлап, дога кылыначак

kulБу атна җомгасында һәм шулай ук 17 ноябрьдә республика мәчетләрендә, бер ел элек авиаһәлакәттә гомере өзелгәннәр рухына багышлап, догалар кылыначак. Татарстанның барлык мәчетләрендә мөселманнар Аллаһы Тәгаләдән мәрхүмнәрнең урыннарын җәннәт түрләреннән итүне, туганнарын, якыннарын, дусларын югалтканнарга ныклык, сабырлык сорап дога укыячаклар.

“Кайгылы сынауларга, зур хәсрәтләргә тарганнарга Аллаһы Тәгалә үзе ярдәм итсә иде! Барыбыз да Аллаһтан килдек һәм Аллаһка кайтачакбыз”, – диделәр ТР мөселманнары Диния нәзарәтендә.

Искәртеп узабыз: узган ел 17 ноябрьдә “Казан” аэропортында килеп чыккан фаҗига турында хәбәр таралып, күңелләрне тетрәндерде. Мәскәүдән Казанга очып кайтучы “Boeing 737-53A” самолеты аэропортка төшкәндә һәлакәткә юлыкты. Авиаһәлакәттә берьюлы  50 кешенең гомере өзелде. Бу кайгылы көннәрдә илебез, республика җитәкчелеге, дин әһелләре, гади халык фаҗигагә юлыгучыларның туганнарының, якыннарының кайгысын уртаклашты. Мәчетләрдә, чиркәүләрдә фаҗигагә юлыгучылар рухына аталып догалар кылынды. Казанда 30лап Коръән-хафиз һәм шәкерт мәрхүмнәр рухына багышлап Коръән-хәтем чыкты. Башкаланың Әл-Мәрҗани мәчетендә очкыч һәлакәте белән бәйле фаҗига корбаннарын дога белән искә алдылар. Мәрхүмнәр рухына җеназа намазы укылды.

Фатих Сибагатуллин: “Кайсы Алла дөрес?” (ФОТО, ВИДЕО)

азат(1)Русия Дәүләт думасы депутаты, профессор, язучы Фатих Сибагатуллин 2014 елда басылган “Кайсы Алла дөрес?” (“Какой Бог правильный?”) китабы чыгу уңаеннан Азатлыкка әңгәмә бирде. Ул безгә Татарстан президенты атамасы, авыл хуҗалыгы, Тукай премиясенә бәйле соңгы фикерләре белән уртаклашты.

Фатих Сибагатуллин белән телефон аша алдан очрашу вакытын билгеләп, Казан дәүләт аграр университетының бер бүлмәсендә әңгәмә кордык. Сүз уңаеннан, ул бу уку йортында дәрес тә бирә икән.

Тәңречелек – бүгенге диннәрнең чишмә башы

Фатих әфәнде бездән алдан килеп, “Кайсы Алла дөрес?” (“Какой Бог правильный?”) дип аталган яңа китабын өстәлгә куеп, әңгәмәдә кирәк булырга мөмкин фактларны кәгазь битенә язып, әзерләп куйган иде. Сөйләшүебез үзеннән-үзе “Кайсы Алла дөрес?” дигән сорауга җавап эзләүдән башланып китеп, ике сәгатьтән артык кызу әңгәмә барды. Әлеге язмада дәүләт думасы депутаты Фатих Сибагатуллин белән язылган әңгәмәнең кызыклы урыннарыннан өзекләр тәкъдим итәбез.

– Фатих әфәнде, быел “Какой Бог правильный?” дигән рус телендә китабыгыз чыкты, татарча да басылачакмы?

– Татар телендә дә булырга мөмкин. Иң элек рус телендә укучыларга дөньядагы диннәрнең килеп чыгышын белгертәсе килде. Бүгенге көндә дин кешелек өчен иң актуаль мәсьәләләрнең берсе. Бигрәк тә яшь буынны өйрәтергә, акыллы, туры юлга кертергә кирәк. Кайсы Алла дөрес соң? Һичшиксез, ул кеше кыяфәтендә түгел. Бу хакта мин 1967 елдан бирле кызыксына, өйрәнә башладым.

Казанда “Мөслимә хатын-кыз. Хәзерге заманда кеше хокуклары” конференциясе ачылды

musulmanki(1)Бүген Казан Ратушасында “Мөслимә хатын-кыз. Хәзерге заманда кеше хокуклары” темасына конференция башланып китте.

Анда РТ Дәүләт Советы Рәисе урынбасары Римма Ратникова, РФдә БМО системасы каршындагы кеше хокуклары буенча өлкән киңәшче Ришард Коменда, РФ та Европаның программалы офис җитәкчесе Петр Зих, РФ Дәүләт Думасы депутаты Сәлия Морзабаева, Таҗикстан Республикасында кеше хокуклары буенча вәкаләте вәкил Зариф Ализода, “Татарстан хатын-кызлары” оешмасы җитәкчесе Зилә Вәлиева, ТРда кеше хокуклары буенча вәкаләтле вәкил Сәрия Сабурская, ТР Президенты Аппаратыннан, министрлыклар, ведомстволардан һәм Россиянең 18 төбәгеннән вәкилләр, дин әһелләре катнашты.

Конференцияне Сәрия Сабурская ачып җибәрде.

“Кешелек тарихының башында ук ир-егетләр өстен саналган, әмма хәзерге заманда ирләрнең хатын-кызлардан югарырак торуы — узган заман күзаллавы булып санала. Хатын-кызларыбыз тормышның барлык өлкәләренә дә үтеп керде һәм актив социаль тормыш алып бара, – диде ул чыгышын башлап һәм конференциядә катнашучыларны сәламләп. – Безнең бүгенге конеференциябез хатын-кыз хокукларына гына түгел, ә ислам динен тотучы мөслимәләребез хокукларына багышланган. Ислам — дөньядагы бик күп кешеләрнең дине булып тора, һәм безнең Татарстанда да ул төп диннәрнең берсе. Конференциягә килүчеләр республикада конфессияара мөнәсәбәтләрнең нинди булуын да күрә алыр.”

ТР Дәүләт Советы Рәисе урынбасары Римма Ратникова конференциядә катнашучыларны ТР Президенты Рөстәм Миңнеханов исеменнән сәламләде.

Хөрмәтле дин кардәшләр! Мөхтәрәм милләттәшләр!

Узган елның Корбан бәйрәмендә Татарстан Республикасы мөселманнарының Диния нәзарәте инвалид ятим балалар өчен тернәкләндерү үзәген ачу өчен акча җыюга юнәтелгән телемарафон уздырган иде. Җыелган акчалар ярдәмендә Теләче районында ике бина сатып алынды. Узган ел эчендә бик зур әзерлек эше алып барылды. Хәзер без бу биналарны ата-ана карамагыннан мәхрүм калган инвалид балаларны кабул итүгә әзерлибез.

ТР мөселманнары ДН яңадан сезне бу изге эштә булышырга чакыра. Бүген, изге Корбан бәйрәме көнендә, без республикабызның барлык мәчетләрендә дә яңа ачылачак тернәкләндерү үзәге өчен акча җыябыз. Биналарда ремонт ясарга, балалар өчен махсус җайланмалар сатып алырга, шулай ук приют территориясен дә рәткә китерергә, балалар өчен микроавтобус сатып алырга кирәк. Көчләребезне берләштерсәк, һичшиксез, без бу зур эшне башкарып чыга алачакбыз.

Бүгенге марафонда катнашу өчен 7715 номерына “ЗАКЯТ” сүзен язып СМС җибәрергә кирәк һәм сезнең телефон счетыннан инвалид ятим балалар өчен тернәкләндерү үзәге счетына 45 сум тирәсе акча алыначак (төгәл сумма операторыгыздан тора). Сезгә сәдака бирергә теләгегезне раслауны сорап, җавап СМС киләчәк. Бу бик мөһим: раслаусыз акчаларыгыз балаларга барып җитмәячәк. Әгәр дә сез зуррак сумманы күчерергә телисез икән, “ЗАКЯТ” сүзеннән соң пробел куеп, күчерергә теләгән суммагызны языгыз. Иң мөһиме – расларга онытмагыз.

Хаҗиларны бәянең кыйммәт булуы куркытмый

28 сентябрьдә Татарстаннан 200ләп кешедән торган соңгы төркем Казанның һава аланыннан Согуд Гарәбстанына очты. Араларында Азатлык хәбәрчесе Сания Мирхалиева да бар иде.

25 сентярбрьдә Казаннан 220ләп хаҗи инде Гарәбстанга очкан иде. 28 сентябрь көнне 200ләп кешедән торган соңгы төркем иртәнге сигезенче яртыда Казанның һава аланына җыелды. Көндезге бердә генә очып киттеләр. Ни өчен шулай иртән чакырып дүрт-биш сәгать һава аланында булырга тиешлекне төгәл аңлатмадылар, изге сәфәргә җыенучылар өчен ул мөһим түгел иде.

“Аллаһ ризалыгы өчен барлык сынауларга да әзербез!”, ди хаҗилар.

Берничә тапкыр баручы төркем җитәкчеләре генә үзара сөйләшкәндә ун сәгатьтән артык Мәскәүдә очкыч көтүләрен искә алып китте. Хаҗилар төркемнәргә бүленгән иде. Иң күп санлысы Чаллы, Казан булды.

Татарстанлылар Казаннан хаҗ сәфәренә кузгала

HAJJ25 сентябрь көнне “Казан” халыкара аэропортыннан татарстанлыларның беренче төркеме Согуд Гарәбстанының Җидда каласына туры рейс белән хаҗ сәфәренә кузгала. Аерым алганда, “ДУМ РТ хадж” программасы буенча 6 имам-җитәкче озатуында 220 кеше әлеге ерак юлга чыга, быел исә, гомумән, 1800 татарстанлы Мәккә, Мәдинәдә хаҗ гамәлләре кылып кайта. ТР Хөкүмәте ярдәме белән, хаҗга баручыларны 15 табиб та озата бара, алар үзләре белән кунакханәләрдә һәм хаҗ гамәле кылган урыннарда медицина пунктлары оештырырлык җиһазлар, медикаментлар алып китә.

Изге юлга чыгучыларны ТР мөфтие Камил хәзрәт Сәмигуллин озатырга ниятли (шул уңайдан журналистлар Казанның Тукай ур., 3 адресы буенча урнашкан үзәккә иртәнге 7гә чакырулы).

ТР мөфтие чит ил кунакларына корбан чалу өчен махсус комплексны күрсәтте

Кичә ТР мөфтие Камил хәзрәт Сәмигуллин Төркия кунакларына корбан чалу өчен махсус комплексны күрсәтте.

Профессор, доктор, Төркиянең Дин эшләре идарәсенең мәгариф департаменты директоры Али Эрбаш, шулай ук Төркия Республикасының Мәскәүдәге илчелегенең дин эшләре буенча киңәшчесе, доктор Айгюн Дурсун Казанга мәдрәсә һәм мәчетләр каршындагы курс укытучыларының квалификациясен артыру курсларында катнашу өчен килгән иде.

Мөфти Камил хәзрәт чакыру буенча алар ТРның Лаеш районы Сокура бистәсендә корбан чалу өчен комплекс белән таныштылар. Мәртәбәле кунаклар фикеренчә, әлеге комплекс барлык заманча таләпләргә һәм санитар нормаларга туры килә. Татарстанда беренче корбан чалу өчен махсус комплекс Корбан бәйрәме уңаеннан бүген рәсми рәвештә ачыла.

Быел ТР мөселманнары Диния нәзарәте башлангычы белән “Әл-Хәләл” ҖЧҖ белән берлектә, Казан мәчетләре янында чалынган корбан хайваннарының калдыкларын эшкәртүгә озату оештырыла. Моның өчен махсус контейнерлар бүлеп бирелә, аларны башта республиканың Лаеш районына, аннары эшкәртү өчен Алабугадагы заводка җибәрәләр. Бу хезмәт санитар нормаларны үтәү максатларында бушлай күрсәтелә, дип хәбәр итә ТР мөселманнары Диния нәзарәте матбугат хезмәте.      

Рөстәм хәзрәт Батыр: «Милли яки дини каршылыклар кухнядагы шовинистик анекдотлардан башлана»

news_10310Милләтара һәм динара дуслык-бергәлек гомер-гомергә Татарстанның «визит карточкасы» саналды. Казан Кремле территориясендәге «Кол Шәриф» мәчете белән Благовещенск соборының үзара янәшә басып торуын да без милләт-дин дуслыгы-татулыгының бер символы дияргә яратабыз. Ә гади халык тормышында бу дуслык нидә чагыла? Татарстан мөфтиенең беренче урынбасары Рөстәм хәзрәт Батыр белән без шул хакта сөйләштек.

– Динара дуслыкның тагын бер мисалы дип көндәлек яшәешебезне китерер идем. Үзара хөрмәт, ярату ул ниндидер һәйкәлләрдә түгел, ул безнең бер-беребезгә булган дустанә мөнәсәбәттә чагыла. Иңгә‑иң яшәп, тыныч тормыш төзегәнбез икән – нишләп әле аны мисал итеп китермәскә? Иң мөһиме менә шул, ә калган нәрсәләр барысы да икенчел күренеш. Чынлап торып уйлап карасаң, кешелек җәмгыяте өчен ул зур бер байлык.

Сораштырулардан билгеле булганча, татарлар Әзәрбайҗан, Кавказ халыкларына караганда русларны якынрак күрә икән, гасырлар буе күрше яшәгән русларны үз гаиләләре әгъзалары сыман тоялар. Димәк, бездә үзара тынычлык дию ул ниндидер чаралар барышында әйтелгән бер шигарь генә түгел, ә көндәлек тормышыбыз. Аны исә сакларга, кадерен белергә кирәк.

Казанда “TURKVIZION” II Халыкара телевизон җыр конкурсына 4 млн. АКШ долларыннан артык суммада акча каралган

TurkvisionКазанда “TURKVIZION” II Халыкара телевизон җыр конкурсын тәкъдим итү чарасынан 2 ай узгач, бүген “Татмедиа” Республика матбугат һәм массакүләм коммуникацияләр агентлыгында республиканың төп ММЧ журналистларын җыеп, конкурс ярымфиналы һәм финалы турында ачыклык кертелде. Матбугат конференциясендә исә ТР Мәдәният министрлыгының халыкара һәм милләтара хезмәттәшлек һәм күргәзмә эшчәнлеге бүлеге әйдәп баручы киңәшчесе Виктория Даутова, “TURKVIZION” конкурсы генераль координаторы – “ТМВ-ТV” ТК генераль директоры Ислам Баһиров, “Мәйдан” музыкаль телеканалы директоры Дамир Дәүләтшин, конкурсның жюри әгъзасы – ТРның һәм РФнең халык артисты Венера Ганиева, шушы халыкара конкурсның былтыр беренчесендә катнашып, 4 нче урын алган җырчы Алинә Шәрипҗанова катнашты.

Төркиянең Искешәһәр каласында 2013 елда башланып киткән, быелгы “TURKVIZION” II Халыкара телевизон җыр конкурсының Татарстаннан сайлап алу туры – зона этабы 20 сентябрьдә Казанның “Пирамида” комплексында була.

ТР мөфтие Женевада БМО Советы сессиясе эшендә катнаша

8Бүген, 18 сентябрьдә, Женевада БМО Советы сессиясе үздырыла. Сессия кысаларында Татарстан мөселманнары Диния нәзарәте тарафыннан “Ислам – тынычлык дине: конфессияара килешеп яшәү” (“Ислам религия мира: гармоничное сосуществование конфессий”) дигән темага сөйләшү оештырылды. “Түгәрәк өстәл”дә Татарстан Республикасы Президенты аппараты җитәкчесе урынбасары – Президентның Эчке сәясәт мәсьәләләре департаменты җитәкчесе Александр Терентьев, Татарстан мөфтие Камил хәзрәт Сәмигуллин, аның беренче урынбасары Рөстәм хәзрәт Батыр һәм башкалар катнашты.

Түгәрәк өстәл Татарстанның динара мөнәсәбәтләр тәҗрибәсе белән уртаклашудан гыйбарәт булды. Татарстан мөфтие Камил хәзрәт Сәмигуллин Берләшкән милләтләр оешмасы әгъзаларын республика мөселман өммәте һәм татарларның Ислам тарихы белән таныштырды. Чарада Татарстан мөселманнары Диния нәзарәте эшчәнлеге, юнәлешләре тәкъдим ителде, республикадагы мөселманнарга, дини вәзгыятькә багышланган видеолар күрсәтелде, дип хәбәр иттеләр Татарстан мөфтиятеннән.

Татарстан мөфтиятенә Тәлгать хәзрәт Таҗетдин килде

image_0_1Кичә кич Татарстан мөселманнары Диния нәзарәтендә Татарстан мөфтие Камил хәзрәт Сәмигуллин Россия мөселманнары Үзәк диния нәзарәте рәисе, мөфти Тәлгать Таҗетдин белән очрашты.

Әлеге очрашуда мөхтәрәм дин әһелләре ике Диния нәзарәте арасында төрле юнәлештә алып барылган хезмәттәшлек хакында сөйләштеләр. Шулай ук дин әһелләре мөселманнар өммәтендәге вәзгыять хакында фикер алыштылар.

Камил хәзрәт мөхтәрәм кунакны Татарстан мөфтияте эшчәнлеге белән таныштырды, якын киләчәккә ниятләнелгән эшләр хакында сөйләде.

Бу хакта Татарстан мөселманнары Диния нәзарәте матбугат хезмәте хәбәр итә.

Хаҗ кылырга җыенучылар дөньяда яңа коронавирус инфекциясе белән бәйле эпидемиологик вәзгыятьнең катлаулануы турында белеп торырга тиеш

iРоссия Кулланучылар хокукларын яклау һәм кеше иминлеге өлкәсендә күзәтчелек хезмәтенең ТР буенча идарәсе, хаҗ кылырга җыенучыларга һәм Якын Көнчыгыш илләренә сәфәр кылырга ниятләүче затларга, дөньяда яңа коронавирус инфекциясе белән авыру буенча эпидемиологик вәзгыятьнең катлаулануы турында хәбәр итә.

Ведомство мәгълүматына караганда, хәзерге вакытта дөньяда яңа коронавирус белән йогышлану буенча лаборатор юл белән расланган 856 очрак билгеле.

Бүгенге көндә коронавирус инфекциясе аеруча Согуд Гарәбстанында, шулай ук, Берләшкән Гарәп Әмирлекләрендә, Иорданиядә, Катарда, Кувейтта, Мисырда, Гыйракта, Ливанда, Туниста, Алжирда, Бөекбританиядә, Франциядә, Грециядә, Италиядә, Малайзиядә, АКШта теркәлгән.

27 нче августтан 30 нчы сентябрьгә кадәр Россия хаҗиларының Согуд Гарәбстанына хаҗ сәфәре оештырыла. Аларның 9 нчы октябрьдән 9 нчы ноябрьгә кадәр вакыт аралыгында кайтуы планлаштырыла.

Станциядә мәчет төзелә

120818231242_minaret_kazan_304x171_bbc_nocreditКайбыч районының Колаңгы станциясендә күп милләтле халык яши. Хәзер биредә мәчет төзелеше тулы куәтенә дәвам итә. Алга таба часовня да төзеләчәк.

“Мәчетнең бурасын Гает бәй¬рәменә кадәр үк кү¬тә¬реп куйган идек. Узган атнада яңадан эшли башладык. Хәзер бер-ике көннән түбә калае кайтачак, түбәсен япкач, манарасын урнаштырачакбыз. Идән, түбә такталары әзер, тәрәзәләргә дә заказ бирелгән, тирә-ягын җыештырасы, рә¬шәт¬кәләп тотасы гына кала. Бер атна эчендә эшне тө¬гәлләргә исәплибез”, – дип эш барышы турында белдерә төзелеш бригадасы җитәкчесе Заһир Зарипов “Кайбыч таңнары”газетасына.

Казан мөселман киносы фестивале урысча флешмоб белән танытылды

X Халыкара Казан мөселман киносы фестиваленең ачылышына бер көн кала Бауман урамында флешмоб оештырылды. Теләгән һәркем биеп катнаша алган акциядә кинофестивальнең киноларын карарга бушлай билетлар таратылды. Флешмобны оештыручылар башта узып баручыларга ак шарлар таратты. Аннан теләгән һәркемне Бауманның сәгате янында биергә чакырды. Флешмобта фестиваль биюе башкарылачак дип әйтелгән булса да чара гадәти чит ил һәм урыс көйләре астында узды. Алып баручы урыс телендә кинофестивальне карарга чакырды. Тик ахырдан гына татарча бию көе яңгырагач җыелган яшьләр татарча биеп кинофестиваль алдыннан күңел ачты. Биюдә үз осталыкларын күрсәтүчеләргә фестиваль киноларын карарга бушлай билетлар тапшырылды. 5 сентябрьдә Казанда X Халыкара Казан мөселман кинофестивале ачылачак. Көндезге сәгать унбердә кинофестивальнең сайлап алу комиссиясе әгъзалары белән, сәгать уникедә исә рәсми матбугат конференциясе оештырылачак. Сәгать өчтә “Ике хатын-кыз” фильмы тәкъдим ителәчәк. Кичке алтыда Казанның “Пирамида” күңел ачу үзәгендә кинофестивальнең рәсми ачылышы уздырылачак.

 

Мөселманнар һәм православиеле христианнарның уртак аллеясы булачак

Бу айда Казанда мөселман һәм православиеле христиан яшьләре, бергәләшеп, агачлар утыртырга ниятли. Яшьләрнең лидерлары шушы гамәл ике конфессия яшьләренең уртак нәтиҗәле эшчәнлеге башы булачак, дип саный. Дуслык аллеясы кайда буласы әлегә килештерү дәрәҗәсендә, ягъни аныкланмаган.

Гомумән, ТР мөселманнары Диния нәзарәте белән Казан епархиясе яшьләр бүлекләре җитәкчеләре мөселманнар һәм православиелеләр арасында социаль хезмәт итү мәсьәләләрендә багланышларны яхшыртуга юнәлтелгән күп кенә киңәшмәләр уздырган, алдагысы – аллея урынын билгеләү буенча.

Татарстан метрополиясе шундый хәбәр таратты.

Сентябрь

Число Фаджр Восход Зухр Аср Магриб Иша
1 4:17 5:47 13:05 17:20 19:33 21:03
2 4:19 5:49 13:05 17:18 19:31 21:01
3 4:21 5:51 13:05 17:16 19:29 20:59
4 4:22 5:52 13:05 17:15 19:26 20:56
5 4:24 5:54 13:05 17:13 19:24 20:54
6 4:26 5:56 13:05 17:11 19:21 20:51
7 4:28 5:58 13:05 17:09 19:19 20:49
8 4:29 5:59 13:05 17:07 19:17 20:47
9 4:31 6:01 13:05 17:05 19:14 20:44
10 4:33 6:03 13:05 17:03 19:12 20:42
11 4:34 6:04 13:05 17:01 19:09 20:39
12 4:36 6:06 13:05 16:59 19:07 20:37
13 4:38 6:08 13:05 16:57 19:05 20:35
14 4:40 6:10 13:05 16:55 19:02 20:32
15 4:41 6:11 13:05 16:53 19:00 20:30
16 4:43 6:13 13:05 16:51 18:57 20:27
17 4:45 6:15 13:05 16:49 18:55 20:25
18 4:47 6:17 13:05 16:47 18:52 20:22
19 4:48 6:18 13:05 16:45 18:50 20:20
20 4:50 6:20 13:05 16:43 18:47 20:17
21 4:52 6:22 13:05 16:41 18:45 20:15
22 4:53 6:23 13:05 16:39 18:43 20:13
23 4:55 6:25 13:05 16:37 18:40 20:10
24 4:57 6:27 13:05 16:35 18:38 20:08
25 4:59 6:29 13:05 16:33 18:35 20:05
26 5:00 6:30 13:05 16:31 18:33 20:03
27 5:02 6:32 13:05 16:28 18:30 20:00
28 5:04 6:34 13:05 16:26 18:28 19:58
29 5:05 6:36 13:05 16:24 18:26 19:56
30 5:07 6:37 13:05 16:22 18:23 19:53

Борис Щербаков Х Халыкара мөселман киносы фестивале ачылу тантанасын алып барачак

SherbakovКазанда Х Халыкара мөселман киносы фестивале, гадәт буенча, мәртәбәле кунакларны каршы алудан башланып китә. Кунакларны каршы алу фестиваль ачылышы тантанасына кадәр 1 сәгать алда  башлана.

Шул рәвешле, “Пирамида” мәдәни-күңел ачу комплексында кинофорумның ачылу тантанасы 5 сентябрь  кичке 7гә билгеләнгән.  Аны РФның халык артисты Борис Щербаков алып барачак, дип хәбәр итә оештыручылар “Татар-информ”га.

Шуңа кадәр 1 сәгать алдан, кичке 6дан, кызыл келәм буйлап Голландия режиссеры Йос Стеллинг, Россиядә авторлык кинематографиясе юнәлешендә танылу алган Россиянең халык артисты Константин Лопушанский, актриса һәм режиссер Вера Глаголева, режиссер һәм сценарийлар авторлары Рөстәм Ибраһимбәков, Али Хамраев һәм кино сәнгатенең башка танылган йолдызлары узар дип көтелә.

Коръән уку конкурсында “Ярдәм” мәчете шәкертләренә тиңнәр булмады

Казанның Апанай мәчетендә башкаланың ир балалары арасында Коръән уку конкурсы уздырылды. Гомумшәһәр конкурсын, ТР буенча Диния нәзарәте ярдәме белән, Апанай мәчете һәм “Зәкят” фонды үткәрде.

Ике номинациядә – изге Коръәннең бер иҗазын яттан һәм яртысын сөйләү буенча барган әлеге конкурста “Ярдәм” мәчете шәкертләре җиңү яулаган. Әлеге мәчеттән шул хакта хәбәр алынды.

Аерым алганда, изге Коръәннең бер иҗазын яттан сөйләү буенча беренче урынны Мөхәммәдали Расулов беренче, Мостафа Сангаков икенче, Инсаф Вәлиев өченче урынга лаек дип табылган. Аларга велосипед, телефон һәм электрон Коръән бүләк ителгән.

Ярты иҗаза сөйләү буенча шулай ук “Ярдәм” мәчете шәкерте Данил Нестеров беренчсе булган һәм велосипед белән бүләкләнгән.

Гомумән алганда, “Ярдәм” мәчетендә яшь 40 шәкерт Коръән хафизлыкка тәрбияләнә.

ТР мөфтие Бөтендөнья мөселман галимнәре шурасына әгъза буларак кабул ителде

63056-INNERRESIZED600-600-image-22_0_thumb_medium300_23720-22 августта Төркия башкаласы Истанбулда үткәрелгән Бөтендөнья мөселман галимнәре шурасы Генераль ассамблеясының IV сессиясендә Россия делегациясе составында катнашкан Татарстан Республикасы мөфтие Камил хәзрәт Сәмигуллин әлеге шурага әгъза буларак кабул ителгән. Димәк, алга таба мөфти хәзрәтләре әлеге дөньякүләм оешма эшчәнлегендә ул актив катнашачак.

Татарстан мөфтиенең Бөтендөнья мөселман галимнәре шурасы генераль секретаре шәех доктор Али әл-Карадаги белән очрашуы барышында шул хакта билгеле булган. Әлеге сөйләшүдә Мәскәү, Дагстан, Чечня, Кабарда-Балкария, Чита, Ставрополь крае һәм Россиянең башка төбәкләре мөфтиләре дә катнашкан. Генераль секретарь шулай ук Россия галимнәренә дә әлеге оешмага керергә һәм үз илләре мөмкинлекләрен исәпкә алып фәтвә бастырырга, ислам мәгарифе системасын заманчарак итеп эшкәртергә тәкъдим иткән.

ТР мөселманнары Диния нәзарәтеннән шул хакта хәбәр алынды.

Коръән тәрҗемәсенә каршы чыккан Салманны Казан мәчете имамы итмәкчеләр

4DD89F31-CAFC-470D-84AB-8BC012B60357_w268_r1_cx0_cy11_cw0Казанның Мәскәү районында яңадан төзелеп килүче элекке “Әл-Ихлас” мәчетенә имам итеп Фәрит Салманны куйганнар дип хәбәр бар. Ул инде мәчет мөтәвәллияте белән очрашкан.

Казанның Мәскәү районындагы экстремистик дип ябылган һәм имамы иректән мәхрүм ителгән элекке “Әл-Ихлас” мәчете урынында яңа гыйбадәт йорты төзелеп килә. Аның инде ишеге, тәрәзәсе, түбәсе, манарасы һәм ае бар, әмма эчке ягында эшлисе эшләр әлегә күп.

Узган атнада тирә юньдәге мөтәвәллият җыены узган. Анда мөфтият ягыннан Коръән үзәге җитәкчесе Фәрит Салман килгән. Мөтәвәллият Салман сүзләреннән чыгып, аның мәчеткә имам итеп билгеләнүен аңлаган.

Моны ачыклауны теләп Азатлык Татарстан мөфтиятенә шалтыратты. Мөфтиятнең идарә җитәкчесе Ришат Хәмидуллин: “Мин бу мәсьәлә белән шөгыльләнмим, шуңа әйтә алмыйм. Мине әле күптән түгел генә мөфтият идарәсе җитәкчесе итеп билгеләделәр. Соңрак шалтыратсагыз, мин сезгә кемгә мөрәҗәгать итеп булачагын хәбәр итәрмен”, диде.

Халыкара мөселман киносы фестивале тамашачыларга “Юл чаты” фильмын тәкъдим итә

17343993_on_this_side_of_the_screen_02Халыкара мөселман киносы фестивале узган елгы программасы фильмнарын тамашачыларга күрсәтүне дәвам итә. Иртәгә кичке 5 тә Казанның “Мир” кинотеатрында төрек режиссеры Фейсал Сойсаланың “Юл чаты” (“Перекресток”) фильмын карарга мөмкин. Фильмнан соң фикер алышу да оештырыла.

Режиссер Фейсал Сойсал Төркиянең Батман шәһәрендә туган. 21 яшендә ул медицина көллиятен ташлап, шигърият һәм киноны өйрәнә башлый. 2007 нче елда исә Фейсалга Иранның Тәһһран университетында кинорежиссер белгечлеге буенча магистр дәрәҗәсе бирелә. Уку дәверендә ул кыска метражлы 4 фильм төшерә һәм ул картиналар Халыкара фестивальләрдә җиңү яулый.

Аның “Юл чаты” фильмы 2013 нче елда төшерелгән һәм, 8 Халыкара фестивальдә катнашып, призлы урыннар яулаган.

“Хәләл” стандарт комитеты рәисе урынбасары Ирек хәзрәт Җиһаншин: Хәләл – Аллаһ бренды

news_10112Көн саен өчәр-дүртәр тапкыр ашарга утырабыз. Табыныбызга нинди ризык куела? Дөрес туклану нидән гыйбарәт? Бу сораулар замана кешесен, һичшиксез, кызыксындыра. Соңгы вакытта бигрәк тә хәләл ризык куллану киң тарала бара. Ул мөселманнарның гына түгел, ә башка дин тотучыларның да игътибарын җәлеп итә.

Интернет чыганаклардан билгеле булганча, Америка югары уку йортларында белем алучыларның 60 проценты хәләл туклануга өстенлек бирә икән. Бу аңлашыла да, чөнки андый ризыкның энергетикасы башка, ул дөрес һәм хәерле туклану дигән сүз.

“Хәләл” стандарт комитеты Татарстан Республикасы мөселманнары Диния нәзарәте каршында 2005 елда оешкан. Ул үзенең эшчәнлеген ике нигезгә таянып алып алып бара. Беренчесе Коръәни Кәрим булса, икенчесе – Пәйгамбәребез Мөхәммәт (с.г.в.с.) хәзрәтләренең сөннәте. “Маидә” сүрәсендә Аллах Раббыбыз: “Хәләл һәм чиста булган ризыкларны һәм нигъмәтләрне кулланыгыз” дигән. Хәдисләрдә дә Пәйгамбәребез (с.г.в.с.): “Хәләл билгеле һәм харам билгеле. Алар арасында шөбһәле нигъмәтләр бар” ди. Шушы шикле әйберләрне һәм гомумән Хәләл продукцияне контрольдә тотучы “Хәләл” стандарт комитеты рәисе урынбасары Ирек хәзрәт Җиһаншин әлеге комитетның эш-гамәлләре белән якыннанрак таныштырды.

Ижау мөселманнары мәчет ачылуын көтә

01970146-24C9-416D-B3DD-5EC7CD890491_w640_r1_s_cx0_cy1_cw0Ижау шәһәренең үзәгендә төзелеп килүче мәчет әле тулысынча сафка басмаса да, анда быел ифтарларга өчәр йөз ураза тотучы килде, тәрәвих намазын биредә укыды. Иман йортының эчке эшләре инде тулысынча тәмамланган. Хатын-кызлар һәм ир-атлар залларында идәннәргә мәчетләрдә кулланылган келәмнәр җәелгән. Хәзер бинаның тышкы ягын матурлау,  мәчет тирәсендә юлларны тигезләп, асфальт җәясе кала. “Бу эшләрне башкару өчен әле тагын ун миллион акча таләп ителә”, диде Удмуртия мөфтиенең мәчетләр төзү һәм төзекләндерү буенча ярдәмчесе Нәгыйм Каюмов.

Татарстан мөфтие Әл-Мостафа халыкара университеты вәкилләре белән очрашкан

nKGkZbW13B0Дин әһелләре бер-берсенә китаплар бүләк итешкән. (Казан, 7 август, “Татар-информ”). Кичә, 6 нчы август, Татарстан Республикасы мөфтие Әл-Мостафа (Иран, Кум) халыкара университетының Россиядәге вәкилләре белән очрашкан. Бу хакта ТР мөселманнарының Диния нәзарәте сайтында хәбәр ителә. Университет вәкиле Хәмит Реза Сулки уку йорты хакында сөйләгән. Аерым алганда, ул университетның хәнәфи мәзхәбе буенча белгечләр әзерләү юнәлеше, төрле телләр курслары турында мәгълүмат биргән. Ул, шәхсән, мөфтине уку йортына килергә һәм уку-укыту программалары белән университетта якыннан танышырга чакырган. Хәмит Реза Сулки университет эмблемасы төшерелгән бүләк һәм университет турындагы китаплар бүләк иткән.

Казанда сөрген корбаннарына багышланган фильм күрсәтелде

Бу атнадан башлап Казанның “Мир” кинотеатрында журналистларга X мөселман киносы фестивале програмы кысаларында күрсәтеләчәк кайбер фильмнар тәкъдим ителә башлады. 5 августта күрсәтелгәне Азәрбайҗан режиссеры Октай Мир-Касыймның “Үткәннәрдән хатлар” дигән фильмы. Ул XIX гасыр башларыннан алып 1941 елга кадәр Азәрбайҗан җирендә алманнарның яшәве, азәрбайҗан-алман милләтенең дустанә мөнәсәбәте, алманнарның сөрелү тарихына нигезләнә.

“Депортация кайгысын кичерүчеләргә багышлана”

Фильм “Депортация газабын кичерүчеләргә багышлана” дигән сүзләр белән 1941 елда алманнарның сөрелү күренешеннән башланып китә.

Биредә азәрбайҗан егете Салман белән алман егете Гюнтерның дуслыгы, аларның күп еллардан соң Гюнтерның оныгы – Рихард аша бер-берсенә хәбәр җиткерүе, Гюнтерның соңгы теләге – алманнарны сөрергә ярдәм иткән алман егете Маркустан үч алу теләге тасвирлана.

Фильм сөргенлек вакыйгасы, хәзерге буынның үз тарихын онытуы, дөньяда кешелеклелек, кичерү, мәрхәмәтлелек кебек сыйфатларның өстен булырга тиешлеге күрсәтелә.

Яулыклы һәм түбәтәйле балалар Сабантуйга җыела

3 августта Татарстан мөселманнары Диния нәзарәте, Балтач районы мөхтәсибәте алтынчы тапкыр республикакүләм балалар сабан туен уздыра. Сабантуй Балтач районы Бөрбаш авылында үтәчәк.

Диния нәзарәте хәбәр итүенчә, узган ел әлеге чарада республиканың төрле мөхтәсибәтләреннән җыелган 3 меңләп бала катнашкан. Мөхтәсибәттән хәбәр итүләренә караганда, сабантуйда быел балалар өчен 17 төрле уен оештыру каралган. 1997 нче елгылардан яшьрәкләр арасында дүрт үлчәүдә көрәш уздырыла. Батыр калганнарга тизйөрешле велосипедлар, ә абсолют батырга скутер мотоциклы бүләк ителәчәк.

Узган елны чараны оештыруны башлап йөргән Балтач районы имам-мөхтәсибе Җәлил хәзрәт Фазлыев Азатлыкка әңгәмәдә балаларга тиешле киемнәре белән килүләрен таләп итәбез дип әйткән иде.

Мөселман яшьләре беренче онлайн фестивальгә әзерләнә

30 июльдә Татарстан диния нәзарәтендә узган матбугат очрашуында Русия мөселман яшьләре берлеге президенты Марсель Сабиров әйтеп узганча, чараның төп максаты яшьләргә дини гыйлем тарату, Русия мөселманнарына дөньякүләм галимнәрдән белем алу мөмкинлеген бирү булып тора.

“Кешеләрнең эш белән мәшгуль булулары яки буш вакытларын интернетта үткәрүләре аркасында дини китап укырга, мәдрәсәгә барырга вакытлары һәм көчләре дә калмый. Моны аңлап без Татарстан мөфтие Камил Сәмигуллинга мөрәҗәгать иттек”, дип сөйләде Марсель Сабиров.

Фестиваль online-islam.ru сайтында онлайн рәвештә узачак. Катнашу өчен  сайтка теркәлү моннан ике атна элек башланган. Аның беренче көнендә үк меңнән артык кеше теркәлгән. Барлыгы фестиваль утыз меңләп тыңлаучы җыяр дип планлаштырыла.

Ураза бәйрәме хәйрия концертында чит ил һәм татар музыкантлары катнаша

Беренче августта «Казан Арена» стадионында Татарстан мөселманнары Диния нәзарәте мөселманнарның мөбарәк бәйрәме Ураза гаете уңаеннан  хәйрия концертын оештыра. Концертта дөньякүләм танылган  нәшид башкаручылар Месут Куртис һәм Седат Учан, шулай ук татар мөнәҗәтчеләре катнаша.

Концертның башлану вакыты: сәгать 18.30 да, керү ирекле.

Үткәрү урыны:  “Казан Арена” стадионы, Ямашев проспекты, 115а.

Бәйрәмдә Татарстан мөфтие Камил хәзрәт Сәмигуллинның  чыгышы  һәм башка мөхтәрәм дин әһелләре вәгазьләре дә көтелә.

Мөфти Әлмәт мөселманнары белән очрашты

Бүген мөфти Камил хәзрәт Сәмигуллин Әлмәт районы мөселманнары белән очрашты. Аерым алганда, ул җирлектәге мөселманнарны кайгыртып һәм районда алып барылган дини эшчәнлек хакында сөйләшү ниятеннән Әлмәт районы башлыгы Мәҗит Салихов һәм имам-мөхтәсиб Фәһим хәзрәт Әхмәтҗанов белән күреште. Очрашу вакытында сүз мөселман өммәтенә кагылышлы мәсьәләләр турында барды. Мәдрәсәне  яңа уку елына әзерләү, авыллардагы мәчетләрне тоту, эшләтү кебек сораулар тикшерелде.

Камил хәзрәт районның җәмигъ мәчетендә булып, мәхәллә халкы белән аралашты. Имам-мөхтәсиб мөфтине мәхтәсиб эшләре, уздырырга ниятләнелгән чаралар белән таныштырды һәм кайбер оештыру эшләренә кагылышлы сораулар буенча киңәшләште. 

Казанда Ураза гаетенә багышланган үзенчәлекле хәйрия концерты була

1 август сәгать 18.30да Татарстан башкаласының «Казан Арена» стадионында (Ямашев проспекты, 115а) хәйрия концерты була. Аны Татарстан мөселманнары Диния нәзарәте мөселманнарның мөбарәк бәйрәме Ураза гаете уңаеннан оештыра. Концертта дөньякүләм танылган нәшид башкаручылар Месут Куртис һәм Седат Учан, шулай ук татар мөнәҗәтчеләре катнаша.

Бәйрәмдә Татарстан мөфтие Камил хәзрәт Сәмигуллинның чыгышы һәм башка мөхтәрәм дин әһелләре вәгазьләре дә көтелә, дип искәртә нәзарәтнең матбугат хезмәте.

Белешмә өчен:

Түбән Кама мөселманнары физик мөмкинлекләре чикләнгәннәргә рамазан бүләге ясадылар

Түбән Кама җәмигъ мәчете шәһәр инвалидлары белән очрашуга “Рамазан – изге гамәлләр ае” кысаларында иман йорты ишек төбенә махсус җайланма- пандус урнаштырды. Узган елларда дин әһелләре белән очрашуга килгән коляскалы инвалидларны мәчет баскычларыннан күтәреп диярлек алып менәләр иде. Бу юлы исә алар мәчеткә үз юллары буйлап керделәр.

Бүген мәчеткә физик мөмкинлекләре чикле булган 160 кеше  Ураза бәйрәменә җыелды. Әлеге чараны уздыру шәһәрдә күркәм бер традициягә әверелде. Узган еллардан аермалы буларак, быел инвалидлар өчен хәйрия чарасы чыгымнарын мәчеткә йөрүчеләр үз өстләренә алдылар. Элек чыгымнарны мәчет күтәрә иде. Шулай итеп мәхәллә халкы тормыш авырлыкларына дучар булганнарга хәйрия ярдәме күрсәтеп, аларга бәйрәм ясадылар.  

Х Халыкара мөселман киносы фестивале фильмнарын күрсәтә башлыйлар

Иртәгә Казанның “Мир” кинотеатрында Х Халыкара мөселман киносы фестиваленең фильмнарын ябык күрсәтү башлана. Проект кинофестиваль белән кызыксынучыларны конкурс программасы белән якыннанрак таныштыру максатында оештырыла. Мондый чара узган ел да үткәрелгән иде һәм кино яратучыларда зур кызыксыну уятты. Фильмнарны фестиваль ачылганчы һәр атнада карарга мөмкин булачак.

Бу юлы тамашачыларга ябык режимда 6 картина күрсәтеләчәк. Х Халыкара мөселман киносы фестиваленең конкурс программасы 1 августта гына формалашып беткәнлектән, иртәгә тамашачыларга узган елгы фестивальдә җиңү яулаган “Круги” (режиссеры Срджан Голубович) картинасы тәкъдим ителә. Әлеге фильм быел “Оскар” премиясенә дә дәгъва кылды, дип “Татар-информ”га хәбәр итә оештыручылар.

Балалар хосписында Ураза күчтәнәчләрен өләштеләр

Нәзарәтнең хәйрия бүлеге хезмәткәрләре “Зәкят” хәйрия фонды белән берлектә Балалар хосписына барып, сабыйларны Ураза бәйрәме белән котладылар, дип хәбәр итә ТР МДН матбугат хезмәте.

Казанда ачылган беренче Балалар хосписы – коммерцияле булмаган шәхси медицина учреждениясе. Биредә медицина ярдәме Татарстан Республикасы Сәламәтлек министрлыгы ярдәмендә, хосусый-дәүләт килешүе нигезендә, тормышка ашырыла.

Балалар Ураза күчтәнәчләренә бик сөенделәр. Хоспис директоры Владимир Вавилов исә нәзарәт вәкилләренә биредә дәваланучы балалар хакында сөйләде, шулай ук яңа төзелеп килүче биналарны күрсәтте. Киләчәктә биредә кышкы бакча һәм тагын 18 урынлы бина булдырырга телиләр.

Мәскәүдә Ураза гаете намазына 230 мең мөселман килгән

Кичә мөселманнар Ураза гаетен бәйрәм итте. Гает намазы Мәскәүнең 6 мәчетендә укылды. Анда якынча 230 мең мөселман җыелган.

Мәскәү янында гает намазы өчен тагын 29 мәйдан булдырылган иде. Алар Балашиха, Звенигород, Наро-Фоминск, Одинцов, Воскресенск, Домодедово, Можайск һ.б. шәһәрләрдә урнашкан.

Мәскәүнең Выползов тыкрыгында урнашкан шәһәрдә иң зур мәчетнең гыйбәдәтләр залы иртәнге 5 тә үк ачылды. Анда РФ Мөфтиләр Шурасы, Россиянең Европа өлеше мөселманнары Диния нәзарәте рәисе Равил Гайнетдин дә катнашты.

Мөселманнарны Ураза гаете белән РФ Президенты Владимир Путин да котлады. “Мөселманнар җәмгыяте Россия тормышында актив катнаша, халыклар конфессиясе диалогы үсешенә сизелерлек өлеш кертә, дәүләт һәм иҗтимагый оешмалар белән берлектә, хәйрия һәм агарту эшләренә, үсеп килүче буынны тәрбияләүдә хезмәттәшлек итә”, диелгән РФ Президенты котлавында.

Тиздән – мөселманнар җыены

Әгерҗе районы мөселманнарының олы җыенын Саклау чишмәсе буенда уздыру матур традициягә әйләнде. Быел чара 9 августка билгеләнде, ул сәгать 10да башлана.

Җыенда районыбызда дин өлкәсендә эшләнгәннәргә йомгак ясалып, алда торган бурычлар барланачак. Тәрбияви вәгазьләр сөйләнәчәк, Коръән уку догалар уку белән чиратлаштырылачак. Тәбрикләүләр дә көтелә.

Хәләл ризыклардан казанда пешкән ризык ашап, Саклау чишмәсе суыннан кайнатылган чәйдән авыз итү дә җанга шифа бирәчәк. Чишмәдән шифалы су алып китәр өчен савытлар алып килергә окирәк булыр. Шулай ук мөселман товарларын, шул исәптән китаплар сату да оештырылачак, дип игълан итте “Әгерҗе хәбәрләре” басмасы.

Нурлатта соңгы ифтарны район башлыгы уздырды

27 июльдә Нурлат районы башлыгы Равил Кузюров ифтар ашы үткәрде.

“Яшьлек” ресторанында узган әлеге мәҗлескә район имамнары, картлар чакырулы иде. Иң элек район мөхтәсибе Айрат хәзрәт Әюпов уразаларны матур узуын билгеләп үтте, һәм шундый изге мәҗлесләр оештырган өчен, җитәкчеләргә рәхмәтләрен җиткерде. Аннан Коръән сүрәләре укылды, ил-көнгә тынычлык, бәндәләргә саулык теләп догалар кылынды. Район башлыгы Равил Кузюров та район картларына активлыклары, дин эшен матур, пөхтә алып барганнары өчен рәхмәт әйтте.

Әлеге ифтарда шулай ук РФ Дәүләт Думасы депутаты Фатих Сибагатуллин,ТР Дәүләт Советы депутаты Илгиз Салихов та катнашты, дип белдерә “Дуслык” басмасы.

Камил хәзрәт: “Кешеләргә йомшак мөгамәлә күрсәтү дә, бер җылы сүз әйтү дә сәдака була”

Бүген, 28 июльдә, мөбарәк Ураза гаете көнне республика мәчетләрендә бәйрәм намазы һәм хөтбәсе укыла. Республикабызның төп бәйрәм чарасы уздырылган Кол Шәриф мәчетенә мөселманнар иртәнге дүрткә үк җыела башладылар.  Таң белән шәһәр үзәгенә мәчеттән Коръән аятьләре аһаңе таралды.

Сәгать биш тулганда Татарстан мөфтие Камил хәзрәт Сәмигуллин бәйрәм вәгазен сөйләде.
“Әлхәмдүлилләһ, ай буена ураза тоттык, тәравих намазларын укыдык, ифтар ашларын уздырдык. Коръән – Кәрим аятьләрен тыңлап, вәгазьләр ишетеп иманнарыбызны ныгыттык. Ифтарларны оештыручылар белән бергә бик күпләрне дин юлына өндәдек. Бүген исә җәмәгать булып, бәйрәм намазына җыелдык”, -дип, шөкер кылудан башлады сүзен мөфти хәзрәтләре. Аннары ул Татарстан Президенты Рөстәм Миңнеханов һәм Россия Президенты  Владимир Путинның мөселманнарны Ураза бәйрәме белән котлауларын җиткерде.

Төрле илләрдә яшәүче милләттәшләребез Татарстан мөселманнарын Ураза бәйрәме белән котлый

Бу көннәрдә Ураза бәйрәме уңаеннан нәзарәткә йөзләгән санда котлаулар киреп иреште.  Татарстан мөселманнарына һәм шәхсән мөфти Камил хәзрәткә республиканың төрле районнарында яшәүче якташларыбыз, төрле төбәкләрдә гомер итүче дин кардәшләребез  мөбарәк Ураза бәйрәме белән котлап, җылы теләкләрен җиткерәләр. Шулай ук котлауларга чит илләрдә яшәүче милләттәшләребез, дин кардәшләребез дә кушылды.

Мәсәлән, Финляндиядә яшәүче милләттәшләребез: Ислам җәмәгате рәисе Атик Али, чит илләр белән эшләүче Харис Бәдретдин, имам Рамил Биләевтән килгән котлауда: “Финляндиядә яшәүче мөселман татар халкыбыз исеменнән Сезне һәм Татарстан Республикасы мөселманнары диния нәзарәтенә табиг булган дин кардәшләребезне ихлас күңелдән рамазан бәйрәме уңаеннан тәбриклибез. Изге Рамазанда тоткан уразаларыбыз, укыган намазларыбыз һәм барча кылган изге гамәлләр кабул булсын иде дигән догада калабыз”,- диелгән.

Татарстан мөфтие Камил хәзрәт Сәмигуллин Ураза гаете белән тәбрикли

Татарстан Республикасы мөселманнары башлыгы – Татарстан мөселманнары Диния нәзарәте рәисе, мөфти Камил хәзрәт Сәмигуллин, Ураза гаете уңаеннан, халыкка мөрәҗәгать белән чыкты.

“Бисмилләхир-рахманир рахим!
Әссәләәмү галәйкүм үә рахмәтүллаһи үә бәракәәтүһ!
Мөхтәрәм дин кардәшләребез!
Татарстан мөселманнары Диния нәзарәте һәм шәхсән үз исемемнән мөбарәк Ураза гаете белән котлыйм!

Бүген барча мөселманнар шатланып-сөенеп Ураза гаетен бәйрәм итәләр. Без ай дәвамында Аллаһы Тәгалә ризалыгы өчен уразалар тотып, догалар кылып, тәравих намазлары укып, бу көнне ихлас бер дулкынлану белән көтеп алдык. Бүген Раббыбыз биргән нигъмәтләргә шөкерана кылабыз һәм бәйрәм итәбез. Бүген – көн буена ифтар, дияргә була.

Пәйгамбәребез (с.г.в.) рамазан хакындагы бер хәдисендә әйткән: “Ураза тотучының ике шатлыгы булыр: ифтар шатлыгы һәм Аллаһы Тәгалә белән очрашу шатлыгы”.

Алмаз хәзрәт Мөхлисов: Ифтарлар аша исламга килүчеләр артты

“Казан нуры” мәчетенә җәмәгать намазларына килгән саен алма төшәр дә урын юк. Ифтар мәҗлесләренең дә йөзләрчә кеше белән зурлап үтүен үз күзебез белән күреп кайттык. Өлкәннәр өстәл артларында ризыкланса, яшьләр “Шамил” мәдрәсәсенең идәннәренә җәеп куелган табыннарда авыз ачты.

“Һәр көнне уртача 300ләп кеше авыз ачты. Бу мәҗлесләрне уздырырга иганәче булган, ярдәм иткән ир-егетләргә Алланың рәхмәте яусын.  Ифтарлар аша кешеләр намаз укый, мәчеткә тартыла, ураза тота башлый. Дин йола булудан тыш, яшәү рәвешенә әйләнде. Ифтарда кешеләр таныша, аралаша, дуслаша. Баштагы елларны 40лап кеше өчен мәчет бинасында әзерли идек, узган елны “Шамил” мәдрәсәсен төзеп бетерүгә зур ифтарлар оештыра башладык”, ди Алмаз хәзрәт.

Хәзрәттән дини мәҗлесләрнең артуы, моңа охшаш чараларның еш үткәрелүе белән дә кызыксындык. Чөнки быел Казан мәчетләре ифтарларны бер-берсе белән ярышып оештырды диярсең. Ул моны кешеләрнең рухи якка, чын күңелдән яхшылык кылуга игътибар итә башлаулары белән аңлатты.

Ураза бәйрәме мөбарәк булсын!

28 июльдә мөселманнарның мөбарәк Ураза бәйрәме. Бу көнне Татарстанның барлык мәчетләрендә бәйрәм намазлары укыла. Төп бәйрәм чарасы Кол Шәриф мәчетендә уздырыла. Гаетне 4 сәгать 50 минутта башлау һәм 5 сәгать 35 минутта тәмамлау ниятләнелә.

Кол Шәрифтә бәйрәм намазына кадәр башта Коръән-хафизлар Коръән укыячак. 4 сәгать 50 минутта Татарстан мөфтие Камил хәзрәт вәгазь сөйләячәк.  5.20дә – гает намазы укыла, 5.30 да – хөтбә.

“Яңа гасыр” каналыннан Ураза бәйрәме чарасыннан туры трансляция 4 сәгать 40 минутта башлана. 

Россия Иҗтимагый палатасы ифтары уздырылды

Россия Иҗтимагый палатасы һәм Мәскәү мөфтияте беренче тапкыр бергә Мәскәүдә ифтар уздырдылар. Әлеге чарада Россия сәясәтчеләре, депутатлары, хокук саклаучылар, дәүләт һәм җәмәгать эшлеклеләре, төрле дин әһелләре мөселманнарны якынлашып килүче Ураза бәйрәме белән котладылар.

 24 июльдә уздырылган Ифтар мәҗлесендә Татарстан мөфтиенең беренче урынбасары Рөстәм хәзрәт Батыр катнашты. Рөстәм хәзрәт ифтарга җыелганнарга ТР МДНнең эшчәнлеге,  Татарстан мөселманнары хакында сөйләде. Шулай ук Россия мөселманнары өчен Мәскәү мөфтие Әлбир хәзрәт Кргановның роле хакында билгеләп узды. “Шушы мәҗлескә җыйган Әлбир хәзрәт Крганов хакында берничә сүз әйтергә телим. Аны Татарстанда бик хөрмәт итәләр. Шулай ук без аңар Татарстан мөселманнары Диния нәзарәтенең билгеле бер проектларын хуплавы өчен рәхмәтле.  Аллаһы Тәгалә аңар Россиянең күп милләтле халкына, мөселманнар өммәтенә хезмәт итәргә көч, ныклык бирсен иде”, – диде ул.

Фитыр сәдакасын кемгә бирергә?

Рамазан аенда тоткан уразалар кабул булсын өчен, ай ахырында фитыр сәдакасы бирелә. Сәдака фәкыйрьләргә, бернәрсәсе дә булмаган милексез мескеннәргә, яшәү өчен акчасыз калган юлчыларга – мосафирларга, укырга теләгән, ләкин мөмкинлеге булмаган шәкертләргә һәм башкаларга бирелә.
Пәйгамбәребез (Аңа Аллаһның сәләме вә рәхмәте булсын) әйтте: Аллаһның илчесе фитыр сәдакасын һәрбер ир-ат, хатын-кыз, гомумән, өлкән һәм кече яшьтәге барча мөселманнарга фарыз кылды. Гаилә башлыгы үзе һәм гаиләсендә булган барча балалары, хатыны өчен бирергә тиешле. Әгәр балалары үсеп, акча эшли башлаган яки аерым яши икән, фитыр сәдакасын алар үзләре өчен үзләре бирә.
Фитыр сәдакасын гаеткә бер-ике көн кала бирергә мөмкин. Тик гает намазыннан да кичектерергә ярамый. “Аллаһның илчесе фитыр сәдакасын ураза тотучыга ялган һәм башка төр яман сүзләрдән чистарыну буларак, мескеннәрне ашату өчен фарыз кылды. Кем аны гает намазына кадәр бирә, ул кабул була. Кем гаеттән соңга калдыра, гади сәдакалардан китә”, дип фәтва бирә хәзрәтләребез.

Татарстан мәчетләрендә, Ураза гаете уңаеннан, бәйрәм намазы 4 сәгать 50 минутта башлана

Быел Ид әл-Фитр (Ураза гаете) 28 июльгә туры килә. Бу көнне Татарстанның бөтен мәчетләрендә бәйрәм намазлары укыла. Татарстанда төп бәйрәм чарасы Кол Шәриф җәмигъ мәчетендә уздырыла. Гаетне 4 сәгать 50 минутта башлау һәм 5 сәгать 35 минутта тәмамлау ниятләнә.

Кол Шәрифтә бәйрәм намазына кадәр башта Коръән-хафизлар Коръән укыячак. 4 сәгать 50 минутта Татарстан мөфтие Камил хәзрәт вәгазь сөйләячәк, 5.20дә гает намазы укыла, 5.30 да – хөтбә.

Ураза гаетеннән туры трансляция “Татарстан – яңа гасыр” телеканалы буенча  4 сәгать 40 минутта башлана.

Русия мөселманнары Газзәдәге фәлестиннәргә теләктәшлек белдерә

Газзәдән фәлестиннәрнең ракета һөҗүменә җавап итеп Израил 8 июльдә һава һөҗүмнәрен башлаганнан бирле фәлестиннәр ягында һәлак булучылар саны 640тан артты, дүрт меңләп кеше яраланды. БМОның балалар идарәсе UNICEF мәгълүматларына караганда, 120ләп бала үлгән, 120 меңләп кеше өйләреннән китәргә мәҗбүр булган.

17 июльдә Израил җир өсте һөҗүмнәре башлаганнан бирле Израилнең 28 хәрбие һәм ике тыныч кеше һәлак булган дип белдерелә.

Русия мөселманнары изге Рамазан аенда Газзәдә күпләп мөселманнарның һәлак булуын да искә алып, аларның рухларына догалар кыла.

Мөселман онлайн-фестиваленә рәхим итегез!

1-15 август көннәрендә Мөселман яшьләре берлеге тарафыннан  беренче мәртәбә Мөселман онлайн-фестивале   оештырыла.

Фестивальдә 30га якын дин белгече катнашыр, ә сөйләшүләрне 30 меңгә якын кеше  тыңлар дип көтелә. Сөйләшүләр бары тик интернетта алып барыла. Аларны тыңлау өчен online-islam.ru  сайтына теркәлергә кирәк.

Мөселман онлайн-фестиваленә багышланган матбугат очрашуы ТР МДНдә 30 июльдә, сәгать 10.00дә уздырыла.

«Ярдәм» мәчетендә Кадер кичен каршыладылар

Мөселманнар өчен кадерле булган изге Рамазан ае да ахырына якынлашып килә – соңгы дистә көннең дә 3-4 көне генә калып бара. Айның соңгы көннәрен сизепме, республика мөселманнары тагы да ныграк тырышлык күрсәтәләр.
Бу көннәрдә мәчетләрнең намаз залларына халык көннән-көн күбрәк килә, таңга кадәр гыйбадәт кылу гадәти тормыш рәвешенә әйләнеп бара, ифтар мәҗлесләрен оештыруда катнашырга теләк белдерүчеләр саны да артып тора. Әйтерсең лә, һәр кеше әлеге изге айның әҗер-савабыннан кулланып калырга, күбрәк изгелек кылырга ашыга, бәрәкәтле тормышка, рухи чистарынуга омтыла.
24 июльгә каршы төндә мөселманнарның яраткан урынына әйләнгән «Ярдәм» мәчете дә үзенә кардәшләребезне җыйды. Ифтар мәҗлесендә күзләре начар күрүчеләр дә, шәһәребездә яшәүче мохтаҗ кешеләр дә, эшмәкәрләр дә, республикабызның танылган каләм ияләре, Иран ислам республикасыннан билгеле кунаклар да бар иде. «Ярдәм» мәчете һәм күрмәүче мөселманнарны укыту-тернәкләндерү үзәгендә Рамазан ае дәвамында авыз ачу мәҗлесләре оештырыла, аларны оештыруга шәһәр мэры Илсур Метшиннан алып эшмәкәрләр, җырчылар һәм гади халык та үзеннән саллы өлеш кертеп килә.

Католиклар бер көн ураза тоттылар һәм мөфти янына ифтарга килделәр

Үткән кичтә “Тынычлык” мәчетендә гадәти булмаган бер ифтар уздырылды. Белгәнебезчә, рамазанның соңгы ун көнендә Татарстан мөфтие биредә  игътикяф (берәр изге урыннан, мәчеттән чыкмыйча, берникадәр вакыт гыйбадәт кылып яшәү) кыла. 23 июльдә Камил хәзрәт янына кунакка католиклар килде. Кичә алар мөселманнар белән бергә ураза тоттылар. Шул рәвешле мөселманнарга карата үзләренең хөрмәтләрен белдерделәр.

Мөфти янында кунакта Казанның Изге Христос Воздвижение рим-католик приходы настоятеле Диогенес Уркиза атакай  җитәкчелегендәге Германиядән килгән католиклар делегациясе булды.

Кунаклар мәчеткә килгән мөселманнарның мөфти белән бергә кичке намазны укуларын сабыр гына көтеп тордылар. Аннары исә ифтар мәҗлесендә катнаштылар. Ифтар ахырында хәзрәт догалар әйтеп, республикабызга, халкыбызга бәрәкәт, тынычлык сорады.

Вәгазьдән соң католиклар һәм мөселманнар арасында дустанә аралашу дәвам итте. “Казан кунакчыл һәм бик матур шәһәр. Без атна дәвамында мондагы күп төрле мәдәнияткә сокланып йөрибез. Өйләребезгә бары яхшы тойгылыр һәм күп сандагы фотолар алып кайтырбыз. Без бүген мөселманнарга хөрмәт күрсәтеп бер көн ураза тоттык. Мөселманнар уразасы бик зур сабырлык, тырышлык һәм Аллаһы Тәгаләне яратуны таләп итә”, – диде Германиядән килгән епископ Франц-Йозеф.

Камил хәзрәт кунакларга килүләре өчен рәхмәтен белдерде һәм аларны нәзарәт эшчәнлеге белән таныштырды. Рамазан ае дәвамында республика күләмендә оештырылган чаралар хакында сөйләде. Республикада дин һәм милләтара күркәм мөнәсәбәтләр саклануы өчен җитәкчелекнең һәм гадәти кешеләрнең дә зур тырышлык куюлары турында сөйләде, Татарстанда 115тән артык милләт вәкиле яшәве хакында әйтте.

Россия мөслимәләре шурасы Казанда ифтар мәҗлесе үткәрә

Бүген Казанда, Рамазан ае уңаеннан,  ифтар мәҗлесе үткәрелә. Аны “Россия мөслимәләре шурасы” федераль иҗтимагый оешмасы уздыра.

“Татар-информ” МА хәбәрчесенә әлеге оешма рәисе Наилә Җиһаншина белдергәнчә, ифтарда 100 гә якын кеше катнашыр дип көтелә. Алар арасында күп еллар дәвамында ислам нигезләренә өйрәтүче абыстайлар, ислам вузлары, ТР мөселманнары Диния нәзарәте җитәкчеләре, хәйриячеләр, мөнәҗәтләр башкаручылар, Төркия Республикасының Казандагы генераль консулы Сабри Тунч Ангылы һ.б. катнашачак.

Кабан арты мәчете ятим балаларны ZURИФТАРга җыйды

Татарстан башкаласында дистәләгән мәчет Рамазанда көн саен ифтар ашлары уздыра һәм һәркайсы бу чарага үзенчәлек кертергә тырыша. Казан үзәгендә урнашкан Кабан арты мәчете имамы Сәетҗагъфар хәзрәт Лотфуллин сүзләренчә, изге айларда ятимнәргә, мохтаҗларга, балаларга күбрәк игътибар итәргә кирәк. 18 июльдә оештырылган ZURИФТАР дип аталган чарага Дәрвишләр бистәсеннән өч дистәдән артык ятим, төрле яшьтәге караучысыз калган балалар чакырылган иде. Аларны автобустан төшүгә мәчет мәхәлләсе кулларыннан тотып каршы алды һәм мәчеткә кадәр озата керде.

“Максатыбыз – аларның күңелләрендә кешелек сыйфатларын үстерү, ныгыту, рәхим-шәфкать күрсәтү, мәхәлләдәге кешеләр белән бертигез итеп күреп рухи яктан сау-сәламәт балалар тәрбияләү. Аларны ятим, ата-анасыз, үгиләр дип кимсетергә ярамый, ул балалар безнең дә балалар. Җылы, дус, тату шартлар тудырып, күңелләренә исламның мәрхәмәтле, ихлас, рәхим-шәфкатьле дин булуын салырга иде.

Кырым һәм Дагыстан мөфтиятләре хезмәттәшлек турында килеште

Кырым мөфтие Эмирали Аблаев Дагыстан мөфтияте вәкилчелеген Кырымдагы дини вазгыять белән таныштырды. Акмәчеттә булган очрашу вакытында ике мөфтият арасында хезмәттәшлекне җайга салу турында килешенде.

Дагыстан мөфтие урынбасары Магомед Магомедов Кырым мөселманнарына Дагыстаннан ярдәм вәгъдә итте. 

Ураза бәйрәмендә ял итәчәкбез – 28 июльТатарстанда бәйрәм көне дип игълан ителде

Ураза бәйрәме, “Татарстан Республикасындә бәйрәм көннәре һәм истәлекле даталар турындагы” республика Законы нигезендә бәйрәм көне дип санала. Татарстан Президентының “2014 елда Ураза бәйрәмен һәм Корбан бәйрәмен үткәрү көннәрен билгеләү турындагы” Указы нигезендә, Ураза бәйрәме 28 июльдә билгеләп үтелә һәм ул ял көне булып раслана, дип хәбәр итә Татарстан Хезмәт, мәшгульлек һәм социаль яклау министрлыгының матбугат хезмәте.

Ураза аенда дини гыйлем яхшы үзләштерелә

Азнакай мөселманнары Рамазан аен зур түземсезлек белән көтеп алды. Изге айда башкарылучы барлык хәерле гамәлләргә өстәп, Азнакайда ата-аналар инициативасы белән, мәчеттә балаларны укыту да оештырылды.
Рамазан аенда Татарстанга Төркия мәмләкәтенең Трабзон шәһәреннән махсус килгән Коръән-хафиз Исмәт Айдын 10-15 балага Коръәнне тәҗвит һәм мәкам белән матур итеп укырга өйрәтте, дип хәбәр итә Татарстан Диния нәзарәте.
Дин гыйлемен үзләштерергә теләгән Азнакай балалары Ураза ае дәвамында Бәкәра сүрәсеннән бер битне тәҗвитләп укырга өйрәнделәр. Укыганда ясалган хаталарын Исмәт абыйлары белән бергә төзәттеләр. Алар шулай ук намазда укылучы кыска сүрәләрне һәм догаларны ятладылар.
Беренче көннәрдә балаларга белем бик авыр бирелсә дә, берничә көн үтүгә алар ярыша-ярыша укый башладылар. Укытучылары бик таләпчән, ләкин гадел булып чыкты: төзәтәсе урында төзәтеп, яхшы өйрәнеп килгән өчен хуплап, һәр баланың күңелен күтәрергә тырышты. Ата-аналар да мондый дәресләр булудан бик канәгать калды. Интенсив рәвештә укыту бик файдалы булуга тагын бер кат инандык, ди алар.

Татарстан мөселманнары Донецк һәм Луганск өлкәләрендә яшәүчеләр өчен гуманитар ярдәм җыйды

3 июльдә Казанның “Иман” Ислам мәдәнияте үзәгендә Донецк һәм Луганск өлкәләрендә яшәүчеләр өчен гуманитар ярдәм җыя башлаганнар иде. Бу акциядә Казанның мөселманнар өммәте, шулай ук битараф булмаган башка мөселманнар да катнашты.

Бүген 10.00 сәгатьтә Украинаның көньяк-көнчыгышында яшәүчеләр өчен гуманитар ярдәмне Казаннан төяп җибәрү эшендә барлык теләүчеләр дә катнаша ала. Моның өчен Казан шәһәре, Сәетгалиев урамы, 6 йорт, 1 кат адресы буенча килергә кирәк, дип хәбәр итә “Иман” үзәге матбугат хезмәте.

Ураза гаете җитә. Татарстанда төп бәйрәм чарасы Кол Шәриф мәчетендә уздырыла

28 июльдә Ураза гаете була. Бу көнне Татарстанның барлык мәчетләрендә бәйрәм намазлары укыла, шул исәптән Казанның 53 мәчетендә Ураза гаетенә багышланган намазлар, бәйрәм вәгазьләре укылачак. Төп бәйрәм чарасы Казан кремлендәге Кол Шәриф мәчетендә уздырыла. Гаетне 4 сәгать 50 минутта башлау һәм 5 сәгать 35 минутта тәмамлау ниятләнә.

Кол Шәрифтә бәйрәм намазына кадәр башта Коръән-хафизлар Коръән укыячак. 4 сәгать 50 минутта Татарстан мөфтие Камил хәзрәт Сәмигуллин вәгазь сөйләячәк, 5.20дә гает намазы укыла, 5.30 да – хөтбә.

“Татарстан – Яңа гасыр” телеканалыннан Ураза бәйрәме чарасыннан туры трансляциясе 4 сәгать 40 минутта башлана.

Түбән Камада мохтаҗларга һәм инвалидларга булышалар

ТР МДН рамазан ае дәвамында республикакүләм акция уздыра. “Рамазан-изге гамәлләр ае” шигаре астында үтүче акция әхлакый кыйммәтләрне пропагандалаудан, изге гамәлләр кылырга чакырудан һәм Татарстанда яшь мөселманнарның волонтерлар төркеме эшчәнлеген активлаштырудан, төрле хәйрия чаралары уздырудан гыйбарәт.

18 июльдә “Рамазан-изге гамәлләр” ае кысаларында нәзарәтнең хәйрия блеге җитәкчесе Гүзәл Идрисова һәм яшьләр бүлеге хезмәткәре Рита Бикбулатова Түбән Камада булдылар. Биредә алар район мөхтәсибәте белән берлектә инвалидларга һәм мохтаҗларга ризыклар таратуда катнаштылар.

Рамазан уңаеннан Түбән Кама иганәчесе шәһәрдә яшәүче мохтаҗларга 1000 данәт ризыклар тутырылган пакет әзерләгән. Ә Түбән Каманың җәмигъ мәчете әлеге ризыкларны таратыр өчен исемлек төзегән, мохтаҗларны барлаган. Мәчеткә йөрүчеләр  рамазан күчтәнәчләрен өлкәннәргә, инвалидларга, мохтаҗларга өйләренә кадәр илтеп бирәләр. 

Ураза бәйрәме вәгазьләре Казанның 53 мәчетендә үткәреләчәк

28 июль көнне Ураза гаете уңаеннан бәйрәм вәгазе Казанның 53 мәчетендә узачак. Алар 4.50дә башланачак.

Кол-Шәриф мәчетендә бәйрәм вәгазен Татарстан мөфтие Камил хәзрәт Сәмигуллин үткәрәчәк.

Иминлек максатыннан, бәйрәм вәгазе узачак мәчетләр янында полиция торачак.

Казанның Апанай мәчетендә Вәлиулла хәзрәт Якупов хөрмәтенә ифтар уздырылды

Казанның Апанай мәчетендә Вәлиулла Якубов (1963-2012)турында хәтер яңартып, ифтар уздырылды. Танылган дин белгече, 2012 елның 19 июлендә фаҗигале төстә һәлак булганчы, әлеге мәчеттә имам-хатыйб буларак хезмәт иткән иде, шулай ук ТР мөселманнары Диния нәзарәтенең мәгариф һәм фән бүлеге мөдире булып эшләде.

Моннан 2 көн алдарак дин әһелләре һәм җәмәгатьчелек, диндарлар Вәлиулла хәзрәтнең каберен яд иткән иде. Анда ТР мөфтие Камил Сәмигуллин гаепсезгә һәлак ителгән Вәлиулла Якуповның рухына багышлап дога кылды. Җомгадан башлап, Татарстан мөфтие иттикяфта, шуңа күрә ул Апанай мәчетендәге ифтарда катнаша алмады.