Р. Миңнеханов Самар мәчетендә булды

КатегорияДини кызыклы мәгълүмат, Ил һәм дөнья татарлары, Ил һәм дөнья хәбәрләре, Өлкә татарлары, Өлкәбездәге дин
Автор Администрация сайта

Самарга эш сәфәре белән килгән Татарстан президенты Рөстәм Миңнеханов 27 июньдә Самар җәмигъ мәчетен дә карап китте.

Миңнеханов намаз залларына, бизәлешләренә, мәчетнең зурлыгына сокланды. Чәй бүлмәсендә туганнарча сөйләшү узды. Самарда булачак татар милли-мәдәни үзәгенә куаныч белдерде.

Милли хәрәкәт әйдаманнары Самарда икенче татар мәктәбе кирәклеге турында сүз кузгаттылар. Рөстәм әфәнде үз чиратында ярдәм күрсәтәчәген белдерде.

Чәй табынында мәчет әһелләре президентка келәм бүләк иттеләр. Самар җәмигъ мәчете сурәте төшерелгән келәмне алгач, Рөстәм әфәнде: “Бу затлы истәлекне мин авылым мәчетенә җибәрәчәкмен”, – диде.

Очрашуда Дөнья конгрессының Башкарма комитеты әгъзасы Фәхретдин Канюкаев, Самар өлкә татар милли-мәдәни мохтарияте рәисе Минәхмәт Хәлиуллов, Габделәхәт хәзрәт Мингачев, Диния нәзарәте вәкилләре Җәүдәт Шарапов, Таһир Мамышев, Наил Сөләйманов, Ильяс Гыйрфанов,  катнаштылар.

Очрашу саф татарча, эчкерсез фикер алышулар белән барды. Ике як та канәгать калды. “Бик җылы каршы алдыгыз. Самар һава аланында, гармун уйнап, чәк-чәкләр белән каршы алуыгыз тәэсирле булды”, – диде Татарстан президенты.

Шамил БАҺАУТДИН

azatliq.org

Фикерләр

  1. Критик

    Тубэтэйлэр кайда, егетлэр?!

  2. Гел гаеп эзләмәгез әле

    Кунакка гына кергәннәр бит алар.

Фикер калдыру