Татарча басмалар – сезнең өчен

КатегорияБелдерүләр
Автор Администрация сайта

Бу көннәрдә өлкәбезнең элемтә бүлекләрендә, “Роспечать” һәм “Печать” киоскларында 2013 елның икенче яртысына (июль – декабрь айларына) газета-журналларга язылу бара. Һәр басма ничек тә үзенең укучыларын саклап калырга гына түгел, яңаларын да табарга тырыша.

Самарада беренче тапкыр шаулап-гөрләп үткән “Боз озату” татар милли бәйрәменә дә Казаннан татар газета-журналлары журналистлары килеп, үз басмаларын пропагандалаулары, аларга яздыруны оештырулары – игътибарга лаек күренеш. Бәйрәмдә “Яңа МИРАС”, “Ялкын”, “Чаян”, “Сөембикә”, “Салават күпере” журналлары, “Мәдәни җомга” газетасы хезмәткәрләре шактый гына кешене үзләренең укучылары итә алдылар.

Татар басмаларына язылу бәйрәмнәрдә, төрле акцияләр үткәргәндә генә түгел, һәр көнне даими рәвештә алып барылырга тиештер, мөгаен. Шул чакта гына без үз телебездә укый да, яза да алачакбыз.

Шушы тәгълиматны истә тотып, без сезгә, кадерле мил­ләт­тәшләребез, Казанда һәм Уфада нәшер ителүче, Россия каталогына кертелгән татар газета-журналларының исемнәрен, индексларын һәм 6 айга язылу бәяләрен тәкъдим итәргә булдык. Үзегез теләгән, яраткан басмаларыгызны сайлап алып, 15 июньгә кадәр өлкәбезнең элемтә бүлекләренә барып, язылсагыз, һич тә үкенмәссез. Татар басмалары сезнең тормышыгызга күп матур мизгелләр өстәр.

Татар телендә нәшер ителүче басмалар

Индекс             Газеталар                                 6 айга язылу
бәясе

19001                Ватаным Татарстан                        605,88

25259               Шәһри Казан                                     278,22

54129               Мәдәни җомга                                   518,46

27230               Халкым минем                                191,64

60074              Безнең гәҗит                                     347,28

16886              Ирек мәйданы                                  338,22

63807             Юлдаш һәм аның кушымталары   392,94

54148              Иман                                                       185,82

54149              Иман нуры                                            131,10

73363              Мәгариф                                                359,76

35685             Акчарлак                                                332,22

54124             Сабантуй                                                 300,18

50602            Кызыл таң (Уфа)                                 756,06

12345            Атна (Уфа)                                             477,30

10116            Диләфрүз (Уфа)                                    149,58

Журналлар

70275            Яңа МИРАС                                         486,00

73210            Казан утлары                                      472,00

73951            Идел                                                       395,82

73582            Ялкын                                                   220,20

73488            Чаян                                                      209,16

73192            Тулпар                                                   189,24

73002           Сөембикә                                              365,82

73953            Салават күпере                                   172,32

 

Фикер калдыру