ТР мөфтие Женевада БМО Советы сессиясе эшендә катнаша

КатегорияИл һәм дөнья татарлары, Ил һәм дөнья хәбәрләре, Илдәге һәм дөньядагы дин, Төп яңалыклар
Автор Администрация сайта

8Бүген, 18 сентябрьдә, Женевада БМО Советы сессиясе үздырыла. Сессия кысаларында Татарстан мөселманнары Диния нәзарәте тарафыннан “Ислам – тынычлык дине: конфессияара килешеп яшәү” (“Ислам религия мира: гармоничное сосуществование конфессий”) дигән темага сөйләшү оештырылды. “Түгәрәк өстәл”дә Татарстан Республикасы Президенты аппараты җитәкчесе урынбасары – Президентның Эчке сәясәт мәсьәләләре департаменты җитәкчесе Александр Терентьев, Татарстан мөфтие Камил хәзрәт Сәмигуллин, аның беренче урынбасары Рөстәм хәзрәт Батыр һәм башкалар катнашты.

Түгәрәк өстәл Татарстанның динара мөнәсәбәтләр тәҗрибәсе белән уртаклашудан гыйбарәт булды. Татарстан мөфтие Камил хәзрәт Сәмигуллин Берләшкән милләтләр оешмасы әгъзаларын республика мөселман өммәте һәм татарларның Ислам тарихы белән таныштырды. Чарада Татарстан мөселманнары Диния нәзарәте эшчәнлеге, юнәлешләре тәкъдим ителде, республикадагы мөселманнарга, дини вәзгыятькә багышланган видеолар күрсәтелде, дип хәбәр иттеләр Татарстан мөфтиятеннән.

(Фотосурәт http://dumrt.ru сайтыннан алынды).

Фикер калдыру