Ураза бәйрәме мөбарәк булсын!

КатегорияИлдәге һәм дөньядагы дин, Татарстан хәбәрләре
Автор Администрация сайта

28 июльдә мөселманнарның мөбарәк Ураза бәйрәме. Бу көнне Татарстанның барлык мәчетләрендә бәйрәм намазлары укыла. Төп бәйрәм чарасы Кол Шәриф мәчетендә уздырыла. Гаетне 4 сәгать 50 минутта башлау һәм 5 сәгать 35 минутта тәмамлау ниятләнелә.

Кол Шәрифтә бәйрәм намазына кадәр башта Коръән-хафизлар Коръән укыячак. 4 сәгать 50 минутта Татарстан мөфтие Камил хәзрәт вәгазь сөйләячәк.  5.20дә – гает намазы укыла, 5.30 да – хөтбә.

“Яңа гасыр” каналыннан Ураза бәйрәме чарасыннан туры трансляция 4 сәгать 40 минутта башлана. 

“Татарстан- Яңа гасыр” каналы мөселманнарның күркәм бәйрәмен, иртән мәчеттә булу сәбәпле, туры эфирда карый алмаганнар да, илебезнең башка төбәкләрендә һәм чит илләрдә яшәүче кардәшләребез дә карасын һәм рухлансын өчен кабатлап күрсәтәчәк.

Кол Шәрифтәге Ураза бәйрәме чарасы “Яңа гасыр”да шул ук көнне сәгать 11.00дә кабатлап күрсәтелә.

Шулай ук “ТНВ-Планета”дан сәгать 12.15тә карарга мөмкин.

Татарстан мөфтие Камил хәзрәтнең Ураза бәйрәме уңаеннан мөрәҗәгате белән биредә танышырга мөмкин - dumrt.ru/node/14661

dumrt.ru

Фикер калдыру