Зур хезмәткә – зур бәя

КатегорияӨлкә татарлары
Автор Администрация сайта

Меркушкин ЛатыйповПохвистнево районының Гали авылында уңышлы эшләп килүче “Хәләл” оешмасының генераль ди­ректоры Расих Мөҗәһит улы Ла­тыйповны өлкә губернаторының “Во благо земли Самарской” Мактау билгесе белән бүләкләү турындагы карар әле февраль ахырында ук чыгарылган иде.
Менә, ниһаять, өлкә губернаторы Николай Иванович Меркушкин 27 майда, эшкуарлар көненә багышлап уздырылган “Линия успеха-2015” региональ форумында, аны иясенә тапшырды. Бу билгене “Әһәмияте буенча икенче урында торучы өлкә бүләге”, – дип атады ул.
Регион башлыгы үзенең ничек Пох­вистнево районына баруын бик җылы сүзләр белән искә алды, бигрәк тә Расих Латыйповның кыска вакыт эчендә төзегән “Ямьле авыл” турист үзәгенә югары бәя бирде: “Шул сәяхәттә төшкән фотосурәтләрне караганда әле дә самавыр чәенең хуш исен тойгандай булам. Ничек җылы итеп каршы алдылар бит безне анда! Ә авыл җирендә шундый турист үзәген оештырып җибәрү җиңел эш түгел. Расих Мөҗәһит улы моны беренчеләрдән булып башкарып чыга алган. Аны башка эшкуарларга үрнәк итеп күрсәтә алырлыгыбыз бар”, – диде Николай Иванович.


Эльвира РӘФЫЙКОВА.

“бердәмлек”

Фикер калдыру