Композитор Эльмир Низамов Муса Җәлил исемендәге Татар дәүләт Опера һәм балет театры заказы белән опера язарга алынган. Спектакль Шаляпин турында булачак.

«Федор Иванович турында операга старт бирелде», дип язган ул аккаунтына һәм театр директоры Рәүфәл Мөхәммәтҗанов, режиссер Юрий Александров һәм либреттист Константин Рубинский белән төшкән фотосын урнаштырган.

Операның кайчан әзер буласы билгеле түгел. «Башта аны башларга кирәк», – диде Эльмир Низамов «Татар-информ» хәбәрчесенә.

• Быел җәмәгатьчелек бөек рус җырчысы Федор Иванович Шаляпинның тууына 150 еллыкны билгеләп уза.