Камышлы районының Иске Ярмәк авылында яшәүче “Бердәмлек” газетасының штаттан тыш хәбәрчесе Фәния Мәҗит кызы Кәримовага – 60 яшь!
Фәния ханым җиденче дистәне ваклады димәссең дә. Ай кебек тулы йөзендә бер генә җыерчык та юк, бит очлары янып тора, ә башына матур итеп бәйләгән яулыгы аңа нур өсти кебек. Хәер, иҗат кешесенең картаерга вакыты юк бит аның. Озак еллар “Камышлы хәбәрләре” газетасы хәбәрчесе вазифасын башкарган милләттәшебез, инде лаеклы ялда булуына карамастан, бүген дә басма укучыларын матур, эчтәлекле мәкаләләре белән куандырып тора, “Бердәмлек” һәм “Социальная газета” редакцияләре белән хезмәттәшлеген дә дәвам итә. Фәния ханым Камышлы районы кешеләре, гади эшчеләр, авыл хезмәтчәннәре турында язарга ярата. Ул – Россия журналистлары берләшмәсе әгъзасы, биш шигырьләр һәм хикәяләр җыентыгы авторы да. Фәния Кәримованың туган як табигате, аның матурлыгы турындагы шигырьләре һәм мәхәббәт лирикасы гадилеге һәм ихласлылыгы белән аерылып тора, аның һәр сүзе укучының күңеленә үтеп керә.
Фәния Мәҗит кызы – киң күңелле, сабыр холыклы кеше. Язмыш биргән сынауларны һәм авырлыкларны җиңәргә, тормыш юлыннан алга таба атларга үзендә көч табуы сокландыра.
Менә шундый гаҗәеп кеше ул безнең каләмдәшебез Фәния Кәримова. Без аны чын күңелдән матур юбилее белән котлап, иң матур, изге теләкләребезне җиткерәбез.
Хөрмәтле Фәния ханым! Сезгә саулык-сәламәтлек, күңел тынычлыгы, яңа иҗади уңышлар телибез. Безне һәм укучыларыбызны яңадан-яңа иҗат җимешләрегез белән куандырып торыгыз!
“Бердәмлек” редакциясе хезмәткәрләре.
Бик та охшады Эьвира Муззафарыванын статьсы .Баянчы Ринат Валиев турасында.Барчагызга саламатлек .бахетле гомер телап калам .Башкирия ,г.Стерлитамак.
Comments are closed.