Җитәкче булу җиңел түгел

0
72

Бүген бездә кунакта – Камышлы җирлегенең яңа идарә башлыгы Фәһим Миргабиҗан улы МИНЕВӘЛИЕВ. Кем ул? Тумышы белән кайсы яклардан? Моңа кадәр хезмәт юлы ничек барган? Бу сораулар күпләрне кызыксындырадыр, дип уйлыйм.

– Фәһим Миргабиҗанович, сез үткән елның октябреннән бирле Камышлы җирлеге идарәсе башлыгы булып эш­лисез. Сезнең турыда үзе­гезнең хез­мәткәрләрдән дә, район ха­кимияте вәкил­лә­реннән дә, халыктан да бары тик яхшы сүзләр генә ише­теп торабыз: кешелекле, игъ­тибарлы, иге­лекле, ярдәм­чел, әйткән сү­зендә торучан, дип бәяли Сез­не зирәк авыл кешесе. Әйдә­гез әле, газета уку­чыларын сезнең белән якын­нанрак та­ныштырып үтик. Тумышы­гыз белән кай­сы яклардан? Нинди гаиләдә ту­ып-үстегез?

– Мин Яңа Балыклы авылында 1960 елның беренче көнендә Миргабиҗан һәм Бәдәр Миневәлиевлар гаиләсендә дөньяга килгәнмен. Әти-әнием гади колхозчылар иде. 1977 елда Балыклы урта мәктәбен тәмамладым. Ил каршындагы бурычымны – армия хезмәтен Чехословакиядә үтәргә туры килде. 1980 елда, солдат хез­мәтен тутырып кайткач, Ки­нель-Черкасс авыл хуҗалыгы техникумының автомеханика факультетын тәмамладым.

– Ул елларда дипломлы яшь белгечләрне юллама буен­ча илнең төрле почмакла­рына эшкә җибәрәләр иде. Ә сез­нең хезмәт юлыгыз кайда баш­ланып китте?

– Ул яктан миңа бәхет елмайды, дисәм дә була. Мин үземнең туган авылымда, “Восток” колхозында ике елдан артык автомастерской җитәкчесе булып эшләдем. 1986 елда гаиләм белән Камышлыга күчеп килгәч, “Сельхозтранс” машина-трактор пред­приятиесенә автоколонна җитәкчесе булып эшкә урнаштым. Ул вакытта предприятие, Гомәр Зөфәр улы Вәлитов җитәкчелегендә, гөрләп эшләп тора иде. Ә 1991 елда мине “Агропромтранс” предприятиесе­нә баш инженер итеп күчерделәр.

– Ә торак-коммуналь ху­җалыкка ничек килеп эләк­тегез? Бик тә четерекле тармак бит.

– Әйе шул, четерекле. 2010 ел иде ул. Минәсхәт Гайзулла улы Гыйниятов җи­тәкчелегендәге коллективка тиз ияләштем, өч ел дигәндә мине шушы оешманың җитәкчесе итеп билгеләделәр. Ун елдан тормышымда тагын бер борылыш – 2020 елның октябрендә җирлек идарәсе башлыгы итеп сайландым.

– Җитәкче булу – бик җаваплы вазифа, дип уйлыйм.

– Бөтен эштә дә үз проблемалары бар, билгеле. Ләкин үтәп чыкмаслык түгел, әлбәттә. Мин бит үзем генә түгел – коллективым бар. Алар барысы да үз эшләрен яхшы беләләр, мине үз итәләр, дип уйлыйм. Бергә-бергә тату гына эшләргә язсын. Шуны да билгеләп үтәргә кирәк, бар эштә дә район башлыгы Рафаэль Камил улы Баһаутдиновның җылы мө­нәсәбәтен, ныклы ышанычын тоеп эшлибез. Ә бу – зур терәк. Бер-береңне аңлап, бер­дәм булып эшләгәндә генә эшләр уңышлы бара.

– Фәһим Миргабиҗанович, ничек уйлыйсыз, кешеләрне оештыру, юл күрсәтү ос­талыгына өйрәнеп буламы? Әллә инде ул тумыштан бирелә торган сыйфатмы?

– Сәләтнең бер өлеше тумыштан булса, туксан тугыз өлеше үз тырышлыгыңнан то­ра. Беркем дә җитәкче булып тумый. Иң элек кешелекле, эшчән, ышанычлы хезмәткәр бу­лырга, шуның белән халык арасында абруй казанырга кирәк. Башкалар белән ида­рә итү өчен, иң элек үз-үзең белән идарә итәргә өйрәнергә кирәктер.

– Мөмкин булса, шәхси тор­мышыгыз, гаиләгез ту­рын­да да әйтеп китегез инде.

– 1982 елның ямьле июнендә авылдашым, күптән сөйгән кызым Рамилә белән гөрләтеп туйлар уздырдык. Менә 39 ел инде бер-бе­ребезне аңлап, яратып, хөр­мәт итеп гомер итәбез. Тормышыбыз матур, җитешле. Улыбыз Альберт, кызыбыз Альбина бәхет-шатлыгыбыз булса, киленебез Гөлия белән киявебез Руслан да үз балаларыбыз кебек. Ә дүрт оныгыбыз – тормышыбызның яме. Балалар Самарада яши, барысы да яхшы, Аллаһыга шөкер. Исән генә булсыннар.

– Фәһим Миргабиҗанович, җитәкче эше җиңелләрдән тү­гел. Бар кешегә дә ярап бетеп тә булмый. Сезгә эшегездә түземлек, уңышлар, гаиләгезгә иминлек телибез. Әңгәмәгез өчен бик зур рәхмәт.

Рәйсә Төхбәтшина.

Рөстәм Бәдретдинов фотосурәте.

(“Камышлы хәбәрләре”)

Бердэмлек

ОСТАВЬТЕ ОТВЕТ

Please enter your comment!
Please enter your name here