Кичә Мәскәү Татар мәдәни үзәгенең борынгы концертлар залында күренекле татар эшлеклесе һәм Советлар Союзы Героена багышланган «Җәлил оныклары» истәлекле концерты узды. Чара «Шагыйрь һәм музыка» Халыкара фестиваль кысаларында оештырылды. Бу хакта «Татар-информ» хәбәрчесе Дарья Сәйфиева яза.

Чарада Муса Җәлилнең кызы Чулпан Җәлилова катнашты. Аның сүзләренчә, әгәр әтисе үзен һәм тормышын тулысынча шигърияткә багышлауны сайламаса, ул җиңел генә музыкант була алыр иде.

«Юкка гына ул Казанда хәзер аның исемен йөрткән опера театрын оештыручыларның берсе булмаган. Монда музыка һәм шигъриятнең берләшүе безнең фонд өчен («Арт-Линия» хәйрия фонды), аның сәнгать җитәкчесе — минем кызым, аның оныгы, бик мөһим», — дип аның сүзләрен китерә Мәскәү татарлары автономиясенең матбугат хезмәте.

Чулпан Җәлилова сүзләренчә, ул Мәскәүдә сәүдәгәр Асадуллаевның борынгы йорты залында уза торган барлык чараларга һәрвакыт аеруча дулкынлану белән бара, чөнки кайчандыр нәкъ менә шушы урында аның әтисе яшь талантлар өчен шигъри түгәрәк оештырган. Узган концерт та искәрмә түгел. Артистлар сәхнәдән Җәлилнең генә түгел, Габдулла Тукай, Туфан Миңнуллин, Равил Бохараев, Сибгат Хәким, Фәрит Фарисовның да шигырьләре белән чыгыш ясады. Шулай ук Нәҗип Җиһанов, Николай Римский-Корсаков һәм башкаларның музыкаль композицияләре башкарылды.

«Безгә бу залны бирүләре һәм инде өченче ел бу чараны монда үткәрүебезгә мин бик рәхмәтле. Безнең гаилә өчен бу бик мөһим. Соңгы тапкыр мин әтиемне кечкенә чагымда, Казанда урын өстендә авырып ятканда күрдем, һәм ул шунда минем белән хушлашты. Бу безнең 1942 елда соңгы саубуллашуыбыз иде, ләкин мин аны хәтерлим һәм бу истәлекне гомер буе саклыйм», – дип җылылык белән искә ала Җәлилова.

Концертта мәртәбәле кунаклар — Җәлилнең кызы – пианист, «Арт-Линия» фондының музыкаль программалар җитәкчесе Татьяна Малышева һәм шагыйрьнең оныгының кызы, скрипкачы Елизавета Малышева катнаша, ул — бик яшьли үк күп кенә дәрәҗәле халыкара конкурслар лауреаты.

«Бабай классик музыканы бик яраткан, һәм бүген без чыгыш ясаган урын да бик символик», – диде Малышева сәхнәдән.

«Дару» шигырен мин бик яратам, аны икенче сыйныфта ук өйрәндем», – дип сөйләде фестивальнең иң яшь катнашучыларының берсе Сөмбел. Ул башкала сәхнәсендә чыгыш ясарга махсус рәвештә Казаннан килгән иде. Ул ассызыклаганча, яшь буынга Җәлилнең кылган батырлыгы турында хәтерне саклап калу өчен аның шигъриятен белергә кирәк.