Армиядә хезмәт иткән егетләр элек-электән дәрәҗәле булган. Әмма соңгы елларда фикерләр үзгәрде. Армия сафларында хезмәт итү дә 1 елга калды. Якын киләчәктә түрәләр армия хезмәтен 2 ел итәргә уйлап торалар икән. Кирәкме бу?

Рөстәм Асаев, Татарстанның халык артисты:  

– Мин үзем хезмәт итә алмыйча калдым. Чакыруны чакырдылар мине, әмма кеше җитәрлек, план тулган дип кире кайтарып җибәрделәр. Бераз гына армия хәлләре белән танышып өлгердем. 2 ел хезмәт итү кирәк дип саныйм. 1 ел ул адаптация үтеп кенә узып китә. Солдат башта үзе өйрәнергә, аннары икенче елын башкаларны өйрәтергә тиеш дип саныйм. Аннары заман белән бергә хәрби техникалар да үзгәрә. Аларны да өйрәнү өчен 1 ел аздыр, минемчә.