Казанда 4-7 август көннәрендә VII Бөтендөнья татар яшьләре форумы үтте.
Быел чарада 30 чит илдән, Россиянең 60 төбәгеннән һәм Татарстан районарыннан 900 делегат катнашты, алар арасында Самар өлкәсеннән дә татар яшьләре бар иде “Дуслык” оешмасыннан 11 кеше, “Туган тел” оешмасыннан 5 кеше, барысы бергә 16.
Оештыручылар кызыклы статистика китерделәр: делегатларның 55 проценты – кызлар, 45 проценты – егетләр. Россиянең 7 төбәгеннән, Австрия, Венгрия, Молдова, Голландия, Грузия вәкилләре форумда беренче тапкыр катнаша. Делегатларның уртача яше – 26 яшь.
Беренче көнне Бөтендөнья татар конгрессы Башкарма комитеты бинасында теркәү узганнан соң, делегатлар “Казан” милли мәдәният үзәгендә Казанның меңьеллыгы музее белән танышты.
Аннары , ачык һавада оештыручылар уен уйнаттып делегатларны бер-бересе белән таныштырдылар, кәефләрне күтәрделәр.
Самара өлкәсенең “Дуслык” оешма делегатлары
Эшлекле очрашудан соң форум делегатлары “Татар кафесы”нда очрашты. Әлеге чара – форумда яңа формат. Ике сәгать эчендә һәрбер теләгән делегация үз оешмасы турында сөйләп, яңа идеяләре белән бүлеште. Чыгыш ясаучылар арасында Самара өлкәсе, “Дуслык” оешмасы әгъзәсе Гөлфия Кәримова да булды.
Гөлфия Самара да эшдәп килгән “Дуслык” иҗади иҗтимагый оешмасының төп максатларын, нинди юнәлешләрдә эшләр алып барганын сөйләде һәм Самара да күптән түгел барлыкка килгән Туган якны өйрәнү җәмгыяте белән “Сәяхәтнәмә” проектын гәмәлгә ашыру юлларын ачыклап үтте.
Самара делегатлары “Татар кафесы” кичәсендә
Бөтендөнья татар яшьләре форумының беренче көне альтернатив татар музыкасы кичәсе белән төгәлләнде.
Татарча альтернатива музыканы тоңнамаган яшьләргә дә бу кичә бик охшады, Самарага кайткач музыкаль төркемнәрнең социаль челтәрләрендә альбомнарын табып ъзлщренеж музыкаль подборкаларына өстәделәр.