Самара өлкәсе, Камышлы авылы Әминә Газизнур кызы Насыйбуллинага – 80 яшь!

0
86

Әминә Яңа Усман авылында Газизнур абый белән Җәмилә апа­ның төпчек кызлары булып 1940 елда туа. Сугыш башлану белән әтисен һәм 16 яшьлек Исламнур абыйсын сугышка алалар. Алар сугыштан кайтмыйлар. Әминә кодагый әтисенең рәсемен дә күрә алмыйча үсә. Камышлыга кияүгә чыгып, Габделхак кода белән 3 тәртипле, әдәпле бала тәрбияләп үстерделәр, югары белем биреп, олы тормыш юлына бастырдылар. Кодагый кайнанасын – сугыштан кайтма­ган Габделхәй абзыйның тол хатыны Закирә әбине гомере буе карап, тәрбияләп яшәде, вафат булгач, кадерләп бакыйлыкка озатты. Габделхакның туганнары белән дә Әминә апа тату яши, ире байтак вакыт авырып дөнья куйгач та, аралары өзелми.

Әминә кодагыйга түземлеге, кешелеклелеге өчен баш иям. Киленнәрен үз кызлары кебек кабул итте, рәхмәт. Без сине олы юбилеең белән чын күңелдән котлап, озын гомер, исәнлек-саулык, тыныч тормыш телибез.

Сәламәтлек ташламасын сине,

Һәр көнең үтсен шатлыкта.

Яшәү яме, дөнья иминлеге

Юлдаш булсын сиңа һәрчакта.

Күңелең синең һәрчак шулай

Ачык булсын иде барсына.

Без телибез сиңа ак бәхетләр

Туасы һәр алсу таңыңа.

Иң изге, якты теләкләр белән Са­марадан Әминә, Ка­мыш­лыдан Фәһим, Алсу, Рөстәм, Салават.

ОСТАВЬТЕ ОТВЕТ

Please enter your comment!
Please enter your name here