Ул безнең остазыбыз

0
28

2021 елның 29 апрелендә Кошки районының Надеждино авылында яшәүче якын дустыбыз, авылыбызда, районыбызда гына түгел, тирә-якларда да танылган, дәрәҗәле кеше Марс Ибраһим улы Гайфулинга 80 яшь тулачак!

Ул Үзбәкстанның Фәрганә өлкәсе, Киров кишлагында туа. Әтисе – Ибраһим Гайфулла улы, әнисе Сания Вәлиәхмәт кызы, Бөек Ватан сугышы башлангач, Татарстанның Тумба авылына күчеп кайталар. 1942 елда әтиләрен сугышка алалар. Ул 1943 елда Курск дугасында барган сугышта батырларча һәлак була. Ибраһим Гайфуллин катнашкан танклар сугышы илебез тарихында зур эз калдырды. Ватаныбыз өчен һәлак булганнарга һәм сугыштан соң яралардан вафат булганнарга мәңгелек дан. Без аларны беркайчан да онытмабыз.

Сугыш башлангач, әнисе, оланнарын алып, Алек­сандр­­таль (хәзерге Надеждино) авы­лы­­на әби-бабалары яны­на кү­чә­ләр. Шулай итеп, Марс әти­сез үсә. Надеждино мәктәбен­дә 7 сыйныфны тә­мам­лагач, Сталинград өл­кә­сенең Камышин шәһәренә китә һәм электрик һөнәренә укый. Аннан армиягә алына. Хезмәтен тутырып Надеждинога кайта. 1966 елда ул Гөлсем Вагыйз кызы белән гаилә корып җибәрә. Аларның кызы һәм улы, институтлар тәмамлап, берсе – Самарада, икенчесе Кошки­да эшлиләр.

Марс Ибраһим улы Фрид­рих Энгельс колхозында үз һөнәре буенча эшләп, лаеклы ялга чыга. Ул 4 – 5 кешедән торган электриклар бригадасы җитәкчесе иде. Алар эшләгәндә авылда электрика ягыннан бернинди дә проблема булмады. Без аларның эше мөһимлеген колхоз таралгач кына белдек. Хәзер авылда бер электрик та калмады, дияргә була.

Марс бабай әле дә дәрә­җәле кеше. Ул безнең остазыбыз, Россия Федерациясенең хез­мәт ветераны, шулай ук авыл­да җәмәгәть эшләрен дә алып бара иде. Мәчет төзегән­дә дә, хәзер дә гыйбадәтханә эш­лә­рен алып баруда аның ярдә­ме зур.

Гөлсем исә гомере буе доярка булып эшләде, ул да алдынгылар сафында. Хәзер инде икесе дә лаеклы ялда.

Хөрмәтле Марс дустыбыз! Сине бөтен авыл халкы, мәчеткә йөрүчеләр исе­мен­нән олы юбилеең белән тәб­риклибез! Аллаһы Тәгалә үзеңә дә, хәләл җефетеңә дә, балаларыңа һәм туганнарыңа да исәнлек-саулык, бәхетле гомер насыйп итсен!

Мәсхүт хәзрәт Кыямов,

Ислам Шаһиәхмәтов,

Наил Фәйрушин,

Тәлгать Хәйбуллов,

Минзәки Нургалиев,

Гайсә Кәбиров һәм башкалар.

Бердэмлек

ОСТАВЬТЕ ОТВЕТ

Please enter your comment!
Please enter your name here