Узган ялларда Самарада Яруллин Маратны концерты узды. “Металлург” мәдәният йорты тулы иде. Концертта татар мәдәнияте белән кызыксынучы яшьләр күп булуы шатландырды. Тере музыка, кызыклы программа, бию – болар барысы да концертта булды.

Концерттан соң җанатарлар китәргә теләми, истәлекле фото төшерер өчен фойеда көтәләр.

Бездә артистка берничә сорау бирә алдык:

– Марат, сез һәрвакыт артист булырга теләдегезме, әллә балачакта башка хыялыгыз бармы иде?

– Хәзер мин хыялланган кеше. Балачактан ук мин сәхнә яратам, өч яшемнән үк,мин бөек артист булырга хыялландым.

– Сезгә Самара тамашачысы белән эшләү җиңелме?

– Самара тамашачысы минем өчен, бу аерым тема, җиңел, җылы, күңелле, шәһәрегезне һәм энергиягезне бик яратабыз,
Самара One Love.

– Марат, хәзер фойеда сезнең җанатарлар төркеме тора, аларның берәрсенең сезнең йөрәгегезне яулап алу мөмкинлеге бармы, ул иреклеме ?

– Мин җавап бирә алам бердәнбер нәрсә – мин өйләнмәгән.

Маратка алга таба иҗади уңышлар телибез!

Эльмира Мурхабинова