Хата таптыңмы? Хәбәр ит!

1
20

Элмә такта, күрсәткечтә хата яки татар теленә тәрҗемәсе булмавын тапсагыз, «Халык контроле» системасына мөрәҗәгать итә аласыз. Гариза бирү өчен ТР Дәүләт һәм муниципаль хезмәтләр порталында теркәлергә яки «Халык контроле» мобиль кушымтасыннан файдаланырга кирәк. Кулланучы кирәкле урыннарны тутырырга тиеш булачак.

Аерым алганда, хәбәрне калдыру өчен «Исем һәм язулардагы хаталар» категориясен сайларга, фотоматериалны йөкләргә, адресны күрсәтергә, вакыйга исеме, тулырак мәгълүмат күрсәтергә, басма кагыйдәләре белән ризалыкны расларга һәм персональ мәгълүматларны эшкәртүгә ризалык бирергә кирәк.

Татарстанда Кеше хокуклары буенча вәкаләтле вәкил Сәрия Сабурская белдергәнчә, гариза кабул ителә һәм call-үзәк тарафыннан җаваплы башкаручыларга эшкә җибәрелә. Системада ачык һәм ябык керү турында хәбәрләр бар. Шулай итеп, ачык хәбәрләр системаның тышкы интерфейсында чагыла, ә ябыклар бары тик мөрәҗәгать итүчегә һәм министрлыкларның һәм җирле үзидарә органнарының җаваплы башкаручыларына гына бирелә.

Агымдагы елның 1 октябренә «Халык контроле» дәүләт мәгълүмат системасы эшли башлаганнан бирле «Исемнәрдә һәм язуларда хаталар» категориясе буенча барлыгы 183 мөрәҗәгать килгән.

idel-tat.ru

1 КОММЕНТАРИЙ

  1. Орган – әг”за, персональ – үз шәхси, контроль – күз уңында тоту һ.б.. Нишләптер китте бит шулай, үз телебездә булган сүзләрне икенче телдә язырга тырышабыз.

ОСТАВЬТЕ ОТВЕТ

Please enter your comment!
Please enter your name here