Кадерле әниебез, яраткан әбиебез!

Сине олы бәйрәмең — юбилеең белән чын күңелдән котлап, нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр, балаларыңның һәм оныкларыңның күңел җылысын тоеп, игелекләрен күреп, бәхетле озын гомер кичерүеңне телибез. Киләчәгең җыр кебек матур, кояш кебек якты булсын!  Һәр яңа көн бәхет алып килсен,туачак таңнарың һәрвакыт нурлы, күк йөзең һәрвакыт аяз булсын!

Синең бүген зур бәйрәмең, әни,

Бу бәйрәмең синең шундый якты!

Синдә булган йөз яктысы,әни,

Йөрәкләрдә безнең учак якты.

Рәхмәт, әнкәй, тудырганың өчен,

Аяз көннәр булсын җаныңда.

“Бисмилла” дип, син шатланып уян

Гомереңнең һәрбер таңында.

Изге  теләкләр белән кызың Лилия, киявең Рамил, киленең Людмила, оныкларың  Илнара, Руслан, Румил, Азалия.