Кадерле әниебез, яраткан әбиебез!

Ихлас күңелдән сине юбилеең белән котлыйбыз һәм иң кадерле, саф теләкләребезне юллыйбыз. Бәхетле озын гомер, исәнлек-саулык, иман байлыгы, тыныч картлык телибез. Җан тынычлыгы белән дөньяның саф һавасын сулап, тәмле ризыкларын татып, байлыкта, муллыкта яшәргә язсын. Эх, әни! Ходай биргән гомереңдә күпме авырлыклар күргәнсең, газаплар кичергәнсең, сынмагансың, сы­гылмагансың. Бик күпләргә язмыш бәхетле картлыгын күрергә бир­мәгән. Әлхәмдүллилаһ, әле дә үз аягыңда йөрисең, биш вакыт намазыңны калдырмыйсың. Без­нең өчен укыган, кылган до­га­ла­рың, биргән киңәшләрең өчен олы рәхмәтләребезне бел­дерәбез. Өйдә һәрвакыт шулай җы­лы, якты булсын, безне шулай озак еллар каршы алып, озатып ка­лырга Аллаһы Тәгалә язсын иде.

Туган көнеңдә, әни,

Матур теләк булсын әле

                                          үзеңә –

Күктә кояш балкып торсын,

Нурлар сибеп йөзеңә.

Шаулап чәчәк атып торсын

Бакчаларда гөлләрең.

Бүгенгедәй ямьле үтсен

Киләчәктә көннәрең.

Рәхмәт синең шәфкать тулы

                                    йөрәгеңә,

Рәхмәт ару-талу белмәс

                                     беләгеңә.

Рәхмәт хәстәр белән караган

                                   күзләреңә,

Юаныч һәм шатлык биргән

                                  сүзләреңә.

Теләкләрнең телибез

                                  изгеләрен,

Шатлыкларның иң-иң зурсын.

Бәхетләрнең көтмәгәндә генә

Килә торганын – нурлысын.

Кызың Нәҗибә, киявең Рәхимҗан, улларың Минегали, Илшат, оныкларың Флю­ра, Эльвира, Имиль, Ри­нат гаиләләре белән, онык­чыкларың Альмира, Руслан, Рамил, Айнур, Ленар, Зарина.

*  *  *

Мәҗидә Фәрдегалим кызы Якуповага!

Кадерле, яраткан апабыз! Син дөньяда иң изге, ягымлы, игъ­тибарлы, нечкә күңелле кеше. Синең назың, сөюең безнең зур гаиләбезгә җитәрлек. Барчабызга күрсәткән игелекләреңне са­нап бетерерлек түгел. Төпле ки­ңәшләрең, ярдәмең, безнең өчен хәстәрлегең, кайгыр­ту­чан­лыгың өчен чиксез рәх­мәтлебез. Һәрвакыт шулай киң күңелле, тормышны яратучан, матур бу­лып калуыңны телибез.

Котлы булсын туган көнең,

Гел шатланып үтсен

                                   көннәрең.

Сиңа сөенеч кенә китерсеннәр

Якыннарың, барлык дусларың.

Язлар гына бүләк итәдер ул

Бу дөньяга синдәй затларны.

Рәхмәтләргә кушып кабул

                                            итче

Йөрәктәге барлык назларны.

Изге теләкләр белән энең Рәшит, киленең Халидә, балалары Алия, Гөлсинә, Илдар гаиләләре белән.