Борынгыдан килгән йола

0
46

Яшьләрне татар халкы­ның гореф-гадәтләре белән та­ныш­тыру йөзеннән Елховка районының Мулла авылы Мә­дәният йортында “Каз өмәсе” бәйрәме уздырылды.

Салкыннар кереп, карлар яугач, татар авылларында каз өмәләре башлана. Иртә таңнан күпләп каз асраган хуҗалар­ның йортында туганнар, күр­ше-күлән, дус-иш җыела баш­лый. Ирләр пычак кайрыйлар, хатын кызлар бәлеш сала, кыстыбый пешерә, самавырны көйләп җибәрә, чөнки эшкә килүчеләрне чәй эчермичә дә эшкә җикмиләр бит инде.

Каз өмәсе ул бер-береңә ярдәм итешү генә түгел, бу­лачак киленнәр белән якын­нанрак танышу, эшли белүен, уңганлыгын сынап карау, холык-фигылен күзәтү.

Каз ите ашка, бәлешкә тәмле булса, йомшак йоны ястык ясауга китә, каурыйларыннан коймак майлый торган пу­мала килеп чыга, ә канаты белән идән себерергә ярый. Шулай итеп казның бер генә әгъзасы дә артык калмый һәм ташланмый. Туй фәлән кө­телсә, казларның бер өлешен алдан ук каклап куялар. Яңа каз мае белән майланган коймак­тан да тәмлерәк сый юктыр. Бигрәк тә коймак тары онын­нан пешерелсә, ашап туймас­лык тәмле була. Шулай ук каз маен туңган яисә пешкән урынга ягу өчен дә саклыйлар. Салкын көннәрдә урамга чыкканда битеңә яксаң – бит өшеми.

“Каз өмәсе” ул бит кыш­кылыкка ит әзерләү генә түгел, авылдашларны берләштерүче бик матур йола да. Җырлый-җырлый каз йолкып бетергәч, хатын-кызлар казларны көян­тәләргә асып, үзләре дә казлар кебек тезелешеп, су буена каз юарга төшеп китәләр, юл буена каз каурыйлары чәчеп, киләсе елда да казларның күп булып үрчүен теләп баралар.

…Су буеннан бераз өшеп, йөзләре алсуланып кайткан өмәчеләр алдына куелган каз бәлеше, хуш исле чәй, уен-көлке, гармун күтәреп килеп җиткән егетләрнең шаяруы каз өмәсенең иң күңелле чагы. Такмаклар әйтешеп, җырлашып-көлешеп утырулар “Каз канаты” җыры белән тәмамлана.

Менә шундый матур өмә­не сәхнәдән караган авыл хатыннары, яшьлек елларын искә төшереп, өмәләрне, аулак өйләрне, утырмаларны сагы­нып, “Хыял” вокаль-театраль кол­лективы артистларына рәх­мәт укып утырдылар.

Мулла авылы

Мәдәният йорты.

Бердэмлек

ОСТАВЬТЕ ОТВЕТ

Please enter your comment!
Please enter your name here