Календарьның соңгы бите

                                     төшә,

Бусагадан атлый Яңа ел.

Әй, Яңа ел, бетмәс саулык

                                     һәм дә

Шатлык куанычлар алып

                                         кил.

Нурлар өстәп, җиргә таңнар

                                    тудыр,

Җаннар тудыр, җиргә нур

                                    өстәп.

Назлы язлар, матур җәйләр

                                      китер,

Йөрәкләргә илһам, дәрт

                                         өстә.

Илләр – имин, еллар тыныч

                                  булсын,

Аклансыннар көткән

                               өметләр.

Ак кар кебек саф теләкләр

                                      белән

Яңа елны көтә йөрәкләр.

Кил, Яңа ел, илгә, көнгә,

Бәйрәмнәр, туйлар алып.

Ел буена сый-нигъмәттән

Табыннар торсын тулып.

Сафлык, нур иңсен

                               җаннарга,

Гел изге булсын эшләр.

Кояшлы булсын иртәләр,

Йолдызлы булсын кичләр.

Рәхим ит изге сәгатьтә,

Үт, Яңа ел, түрләргә.

Муллык, бәрәкәт,

                             тынычлык

Алып кил җиребезгә.

Һәр сәгатең, һәр минутың

Илтсен бәхеткә генә.

Төкле аягың белән кер

Өебез түрләренә!

Фәнүзә КӘРИМОВА.

Совет Норлаты авылы,

Челно-Вершины районы.

Бердэмлек